Сь бысть сын Святославль от племене варяжьска князь Володимир, пьрвое к идолом много тыцание творя по отчю преданию. Да егда Бог въсхоте собе избьрати люди новы, въдъхну в сего благодать Святаго Духа. И възбну акы от сна от лютаго идолослужения, и посла по всем языком, испытая закон их, како верують, и уведев святую гречькую веру, яко свещю на светиле, и рече в собе: "Сице створю, пойду в землю их и пленю грады их и обрящю учителя". Да еже умысли, то и створи. Шед, взя Кърсунь и посла к цесарю грецкому, глаголя: "Дай за мя сестру свою, аще ли не даси, створю граду твоему яко и сему створих". Он же отвеща: "Несть еде таковаго обычая крестьяном даяти за поганыя. Аще ли ся крьстишь, то и се получиши, и вяще сего царство небесное". И рече Володимир: "Тако створю. Пришедъше от тебе с цесарицею крестять мя". И в то время въпал бяше Володимир в недуг лют обема очима. И рече пославши цесарица к нему: "Аще не крестишься, не избудеши болезни сея". Он же рече: "Крестите мя, ибо на то вы еемь призвал". И егда крестиша и, створися чюдо велие: въшедъшю бо ему в святую купель, и отвьрзостася ему очи, и // (л. 163) бысть акы николи не имев недуга. Прозрев, похвали всех Бога и просвещен быв, радовашеся душею и теломь. И пришел Кыеву, изби вся идолы: Перуна, Хърса, Дажьбога и Мокошь и прочая вся кумиры. Посемь съзва все множьство людии и заповеда им креститися, нарек им день, рек: "Аще кто не обрящеться утро на реце, тъ будеть противьник мне". И сниде на Почаину реку всь въздраст мужь и жен и младеньци. Съвершении же стояху в воде, ови до пояса, инии до выя, а друзии бродяху, а прозвутери, по брегу стояще, молитвы глаголаху, яко над крестимыми. И оттоле наречеся место святое, идеже ныне цьркы есть Петрова, и тъ бысть пьрвыи ходатаи нашему спасению. Володимир же възрев на небо, помолися за крестьяны, глаголя: "Призри на новопросвещеныя люди сия и дажь им, Господи, уведети Тебе, истиньнаго Бога, утвьрди в них правую веру и мне помози, Господи, на супостатьныя врагы, да надеяся на Твою дьржаву, поперу къзни его". Повеле же людьм ставите церкви по всем градом, а сам създа церковь Святую Богородицю, удивив. Пребыв же неколико лет, нача болети и преставися к Богу месяца июля 15 день. Тело же его положиша в церкви Святыя Богородица, юже сам създа. И плакася его все множьство людии: бояре акы отца, люди акы заступника, сироты акы помощника, нищий и вдовице яко печалника и кърмителя.
Да како тя възможем по достоянию похвалите, створьшаго де(л. 163 об.)ло равьно апостолом. Хвалить убо Римьская земля Петра и Павла, Асья Иоана Богословьца, Егюпьтьская Марка, Антиохииская Луку, а Грецкая Андрея. Вся же Русьская земля тебе, Володимире, яко Господня апостола, мольбными песньми память твою празднующе. Похвалныя веньца приносим ти, глаголюще: Радуйся, Володимире, приимыи венець от Вседьржителя Бога! Радуйся, святая главо, вожю и учителю нашь, имьже избывъше от тьмы, свет познахом! Радуйся, честьное древо самого рая, иже въздрасти нам святей леторасли святою мученику Бориса и Глеба, от нею же ныне сынове русьстии насыщаються, приемлюще недугом исцеление! Радуйся, делателю веры Христовы, растьрзав лестьное тьрние и раздрушив, възорав крещениемь всю землю и насеяв святыми книгами, от них же жнють русьстии сынове полезныя рукояти покаянию и друзии уже ядять нескудную пищю в царствии небеснемь, ея же тряпезы сподобимъся и мы, недостоинии, кающеся о съгрешениих своих.
ПРОЛОЖНОЕ ЖИТИЕ КНЯЗЯ ВЛАДИМИРА ОСОБОГО СОСТАВА
Распространенная редакция Проложного жития князя Владимира издавалась лишь один раз по единственному известному тогда списку Торжественника XV в. Румянцевского собрания, № 435 (Соболевский А.И. Памятники древнерусской литературы, посвященные Владимиру св. // Чтения в Историческом обществе Нестора Летописца. Кн. 2. Киев, 1888. С. 30–32). Ниже публикуется еще один, ранее неизвестный список этого произведения, находящийся в Соборнике XVI в.: РГБ. Ф.113 (Иос.-Вол.). № 652. Л. 422 об. - 425 об. Он имеет важные отличия по сравнению со списком, изданным Соболевским, и в ряде случаев дает более исправный текст. В этом списке также отсутствуют рассказ об освящении и украшении Десятинной церкви и молитва князя Владимира по завершении строительства храма (извлеченные, вероятно, из летописи), что сближает данный текст с его основным источником - обычным Проложным житием князя Владимира. Житие читается в рукописи под 15 июля, днем памяти святого князя.
В той же день успение благовернаго велика! о князя Владимера, нареченнаго в святем крещение Василья.
Сии Володимер князь, сын Святославль, от племени варяжьска, преже убо во идолы верова, по очию преданию. Егда же въсхоте Бог люди многи к себе привести, и вдохну в него Бог благодать Святаго Духа. Он же возбнув, яко от сна, от лютаго идолослужения, и посла во // (л. 423) вся языкы испытати закона, како верують, и уведа святую веру греческую, яко свещу на светиле, и рече: "Сице сътворю, пойду в землю их и пленю град их, и обрящю тамо учителя". Да еже умыслить, ‘то како творю’. И шед, взя Корсунь, князя и княгиню убии, а дщерь ею дасть за Жберну. И не распусти полков, но посла Ольга, воеводу своего, с Жьберном в Царьград ко царема, прошает за ся сестры их. Царие же реша ему: "Аще крестишися, то не се едино получиши, но и царьство приимеши, с нами единоверник будеши". Он же рече: "Аще дасть за мя сестру свою, то и аз крещюся. Аще ли не даете, то створю граду вашему, яко и сему створих". Они же убояшася страхом, по//(л. 423 об.)имше потриарха и сестру свою, и вшедше в церковь Святыя Богородица, и поклонишася, глаголющи сице: "Госпожа Святая Богородица, яко тобою познахом истиннаго Бога, воплощашагося и рожьшагося ис тебе, не дай же, Госпоже, осквернити рабы своя поганому сему, но приведи его во крещение, да и ти познають Сына Бога твоего". И се рекши, отпустиша ю с кресты, и с епископы, и с попы, и с крилосом, и проводиша в Корсунь. В то же время Владимер очима боляше. И посла к нему царица, глаголющи: "Царю Владимере! Аще не крестишься, то не избудеши болезни сея". Он же рече: "Крестите мя, ибо на то вы есмы призвал". Егда же крестишася, и створи чюдо велие: вшедшю же ему в святую купель, отверзошася ему очи, и бысть яко нико(л. 424)лиже не болел. И похвали всех Бога, и просвещен бысть, радовашеся душею и телом. И пришед в Киев, и изби вся идолы: и Перуна, Хърса, Дажьбога, Мокошь и прочая вся идолы. Посем заповеда всем людем крестися и рече им: "Аще кто не обрящется утре на реце, той будеть мне противник". И заутра приидоша на Почаину реку вси мужи и жены и дети, свершении же в воде стояху, овии до пояса, а друзии до выя, а инии бродяху, а прозвитери по брегу стояща молитвы глаголаху, и та крестиша множество людии. Оттоле нарече святое место, идеже есть церкви Петрова. Сии же блаженный Владимер первый бысть наставник нашему спасению. Въздев руце на небо и помолися Богу за вся люди своя, глаголя: "Господи, Царю небесный, и призри, Господи, на // (л. 424 об.) новокрещение люди сия и дай же им, Господи, увидети Тебе, истиннаго Бога, утверди в них правоверную сию веру, и мне помози, Господи, на противныя врагы, да надеюся на Твою силу и помощь и попру вся козни их". Повеле же людем ставити церкви по всем градом и селом, а сам созда церковь Святую Богородицю Десятинную. Пожив же лет 28 и преставися к Богу месяца июля 15 день, и положиша тела его в церкви Святыя Богородица, юже сам созда. И плакася его множество бояр и людии: бояре аки оца, людие аки заступника, сироты и вдовици аки помощника и кормителя. Да како тя можем по достоянию похвалити, сътворшаго равно апостолом! Хвалити убо Римъская земля Петра и Павла, а Асииская Ивана Богослова, а Его//(л. 425) упетьская Марка, а Онтиохииская Луку, а Греческая Андрея, вся же земля Руская тобе, Владимере, я[ко] Божия апостола, молебными песньми память твою празнующе. Похвалнью венца принесем ти, глаголюще: Радуйся, Владимере, приими венець от Вседержителя Бога! Радуйся, святая глава, вожю и учителю нашь, тобою бо мы избывше тмы и свет познахом! Радуйся, красное древо святаго рая, [и]же възрасти нам честней леторасли святую мученику Бориса и Глеба, от нею же ныне рустии сынове насыщаются, приемлюще недугом исцеление. Радуйся, делателю веры Христовы, растерзав лестъное терние, взорав крещением всю землю и насеяв книгами, от них же жнугь рустии сынове полезныя рукояти покоянию, // (л. 425 об.) а друзии ядять неоскудную пищю в царствии небесном, ея же трапезы сподобимся и мы, недостоини, кающеся грехов своих. Ему же слава.
ПРОЛОЖНОЕ СКАЗАНИЕ ОБ ОСВЯЩЕНИИ ДЕСЯТИННОЙ ЦЕРКВИ
Проложное сказание об освящении церкви Пресвятой Богородицы до недавнего времени оставалось неизданным (если не считать крайне неудовлетворительного издания О.М. Бодянского "Об одном прологе Московской духовной типографии…" // Чтения в Обществе истории и древностей российских. 1846. Кн. 2. С. 22). Оно известно в огромном количестве списков, прежде всего в Прологах, в которых читается под 12 мая. Ниже печатается текст Проложного сказания в двух разновидностях (редакциях) по пергаменным Прологам первой половины XIV в. из собрания Синодальной типографии Российского государственного архива древних актов: РГАДА.Ф. 381. № 179. Л. 97; № 173. Л. 89 об. - 90.
Первая редакция
В тъ же день священие церкве Святыя Богородица, юже созда благоверный князь Володимир, иже святымь крещениемь просвети всю землю Русьскую.
И видев цьрковь съвьршену, и въшьд в ню, помолися: "Господи Боже, призри с небесе, и посети винограда своего, и съвьрши иже насади десница Твоя новыя люди, им же обратил еси сердца в разум познати Тя, истиннаго Бога, и призри на церковь сию, юже создах недостойный раб Твои в имя рожьшая Тя Матере приснодевыя Богородица. И аще кто помолится в ней, услыши молитву его и отпусти грехы его молитвы ради Пречистыя Богородица". И помолься, рече: "Се даю Святей Богородици цьркви сей от имения моего и от град моих десятую часть". И тако съвьрши праздник боголепьн в лето 6504-е (996).
Вторая редакция
В тъ же день священие церкви Пресвятыя Богородица, юже създа благоверный князь Василии, зовомыи Володимир, пьрвыи князь земля Русьскыя, иже обнови Божиею помощию крещениемь.
И видев цьрковь свершену, и вшед в ню, помолися: "Господи Боже, призри с небесе, и посети винограда своего, и свьрши иже насади десница Твоя новыя люди, им же обратил еси сердца в разум познати Тя, Бога истиньнаго, и призри на церковь свое, юже създах не//(л. 90)достоиныи раб Твои в имя рожьшая Тя Матере приснодевыя Богородица. И аще кто помолиться в церкви сей, то услыши молитву его и отпусти грехы его молитвы ради Пресвятыя Богородица". И помолившюся ему, рек сице: "Се даю Святой Богородици церкви сей от имения моего и от град моих десятую часть". И тако свьрши праздник благолепьн в лето 6504 (996).
ОСНОВНЫЕ ДАТЫ ЖЗНИ КНЯЗЯ ВЛАДИМИРА СВЯТОСЛАВИЧА
Начало 60-х гг. X в. (около 962) - рождение.
965 - хазарский поход Святослава.
968, август - первый балканский поход Святослава.
969, весна - осада Киева печенегами. Первое упоминание Владимира в летописи.
11 июля - смерть Ольги.
Конец лета - осень - начало новгородского княжения Владимира. Второй балканский поход Святослава.
972, начало весны - смерть Святослава.
975 - начало вражды между Ярополком и Олегом Святославичами.
977 - древлянская война. Гибель Олега.
Бегство Владимира из Новгорода. Первая женитьба Владимира (?).
Конец 977 - начало 978 - возвращение Владимира с варягами в Новгород.
978, весна(?) - поход на Полоцк. Женитьба на Рогнеде. Война с Ярополком. Начало лета - осада Киева.
11 июня - Владимир вступает в Киев.
Июнь - июль - убийство Ярополка.
979 - червенский поход. Война с Польшей.
980- языческая реформа Владимира.
981–982- война с вятичами.
983, весна - лето - ятвяжский поход.
12 июля - убийство варягов-христиан в Киеве.
984 - поход на радимичей.
985 - война с Волжской Болгарией.
985 (?) - хазарский поход. Присоединение Тьмуторокани.
986, лето (?) - начало переговоров с Византией относительно женитьбы Владимира на Анне.
987 (или начало 988) (?) - крещение в Киеве. Оказание военной помощи Византии.
988, лето (?) - поход к днепровским порогам.
Конец лета - осень - корсунский поход.
989, весна - лето - взятие Корсуни. Женитьба Владимира на Анне.
Крещение части дружины.
Лето - начало осени - возвращение в Киев. Начало Крещения Руси. Начало русско-печенежских войн.
991 - начало строительства киевской Десятинной церкви.
992 - хорватский поход Владимира. Нашествие печенегов. Сражение у Переяславля.
996, 12 мая - освящение киевской Десятинной церкви. Установление церковной десятины.
6 августа - сражение с печенегами у Василева. Судебная реформа Владимира.
997 - поход к Новгороду.
Конец весны - лето - война с ярлом Эйриком. Осада печенегами Белгорода.
Около 999 (?) - перенесение мощей княгини Ольги в Десятинную церковь.
1000 - смерть Рогнеды.
1001 - смерть сына Изяслава.
1007 - перенесение святых (Климента и Фива?) в Десятинную церковь.
1007 или 1008, начало зимы - посещение Киева епископом Бруно Кверфуртским. Установление русско-печенежского мира.
1010 (?) - смерть старшего сына Вышеслава.
1011 - смерть Анны.
1013 - вторжение польско-печенежской коалиции на Русь. Мир с Болеславом.
1014 - раскрытие "заговора Святополка". Начало мятежа Ярослава Новгородского.
1015, конец весны - лето - вторжение печенегов.
15 июля - смерть Владимира.
ИЛЛЮСТРАЦИИ
