Молитва вторая
О, священная главо, преподобне отче, преблаженне авво Сергие великий! Не забуди убогих своих до конца, но поминай нас во святых своих и благоприятных молитвах к Богу. Помяни стадо свое, еже сам упасл еси, и не забуди посещати чад своих. Моли за ны, отче священный, за дети своя духовныя, яко имея дерзновение к небесному Царю: не промолчи за ны ко Господу и не презри нас, верою и любовию чтущих тя. Поминай нас недостойных у престола Вседержителева, и не престай молися о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый.
Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителя предстоящи, достойно веселится. Ведуще бо тя воистинну и по смерти жива суща, тебе припадаем и тебе молимся, еже молитися о нас всесильному Богу о пользе душ наших, и испросити время на покаяние, и о невозбранном преитии от земли на небо, мытарств же горьких бесов воздушных князей и вечныя муки избавитися и Небесному Царствию наследником быти со всеми праведными, от века угодившими Господу нашему Иисусу Христу: Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
Молитва третья
Нреподобне отче Сергие! Воззри на нас милостиво и к земли приверженных возведи к высоте небесней. Ты горе, на небеси, мы на земли низу, удалены от тебе, не толико местом, елико грехми своими и беззаконии: но к тебе прибегаем и взываем: настави нас ходити путем твоим, вразуми и руководствуй. Свойственно есть тебе, отче наш, благоутробие и человеколюбие: на земли живущу, не о своем токмо спасении бысть тебе попечение, но и о всех к тебе притекающих. Наставления твоя быша трость книжника скорописца, на сердце каждаго глаголы жизни начертавающая. Не телесныя токмо врачевал еси болезни, но паче душевных врач изящный явился еси, и вся твоя святая жизнь бысть зерцалом всякия добродетели. Аще толик был еси, святче Божий, на земли: колик ныне еси на небеси! Ты днесь предстоиши престолу Света Неприступнаго и в нем, яко в зерцале, зриши вся наша нужды и прошения; ты водворяешися вкупе со ангелы, о единем грешнице кающемся радующимися. И человеколюбие Божие есть неистощимо, и твое к Нему дерзновение много: не престани, угодниче Божий о нас вопияй ко Господу. Испроси предстательством своим у всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делах: больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Аще бо и недостойни есмы толикаго отца и ходатая, но ты, подражатель быв человеколюбия Божия, сотвори ны достойны чрез обращение от злых дел к благому житию. Вся благопросвещенная Россия, твоими чудесы исполненная и милостями облагодетельствованная, исповедает тя быти своего покровителя и заступника. Яви древния милости твоя, и ихже отцем вспомоществовал еси, не отрини и нас, чад их, стопами их к тебе шествующих. Веруем, яко духом нам соприсутствуеши. Идеже бо есть Господь, якоже слово Его учит нас, тамо и слуга Его будет. Ты верный еси раб Господень, и Богу везде сущу, ты в Нем еси, и Он в тебе есть, паче же и телом с нами еси. Се нетленныя и живоносныя твоя мощи, яко сокровище безценное, вручи нам чудес Бог. Престояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждах наших помощь. Укрепи наше малодушие, и утверди нас в вере, да несомненно уповаем получити вся благая от благосердия Владыки молитвами твоими. Паству же твою духовную, тобою собранную, не престани управляти жезлом духовныя мудросте: подвизающимся помози, разслабленныя возстави, споспеши иго Христово несть во благодушии и терпении, и всех нас управи в мире и покаянии скончати живот наш и преселитися со упованием в блаженная недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца, и Сына и Святаго Духа, ныне и присно и вовеки веков. Аминь.
Молитва четвертая
О, преподобне и богоносне отче наш Сергие! Воззри на нас (имена) милостивно и, к земли приверженных, возведи к высоте небесней. Укрепи наше малодушие и утверди нас в вере, да несомненно уповаем получити вся благая от благосердия Владыки Бога молитвами твоими. Испроси предстательством твоим всякий дар всем и коемуждо благопотребен и вся ны споспешествующими твоими молитвами сподоби в день Страшнаго суда шуия части избавитися, десныя же страны общники быти и блаженный оный глас Владыки Христа услышати: приидите, благословеннии Отца Моего, наследуйте уготованное вам Царствие от сложения мира. Аминь.
Тропарь преподобному Сергию Радонежскому, глас 4-й
Иже добродетелей подвижник, яко истинный воин Христа Бога, на страсти вельми подвизался еси в жизни временней, в пениих, бдениих же и пощениих образ быв твоим учеником: темже и вселися в тя Пресвятый Дух, Егоже действием светло украшен еси: но яко имея дерзновение ко Святей Троице, поминай стадо, еже собрал еси мудре, и не забуди якоже обещался еси, посещая чад твоих, Сергие преподобне, отче наш.
Иконы святителя Ионы Московского
Святитель Иона жил на рубеже XIV–XV вв., он с детских лет стремился служить Господу и уже в 12 лет принял монашеский постриг. За свою праведную жизнь и смиренное служение церкви и Господу Иона был назначен епископом Рязанским и Муромским, а затем – митрополитом Киевским и всея Руси. Святитель Иона активно содействовал объединению раздробленных русских княжеств под началом великого князя Московского Василия II, своими молитвами защитил Москву от осадивших город ногайских татар.
Благочестивая и добродетельная жизнь святителя во славу Господа и неустанная забота о пастве была вознаграждена Божиим даром совершать чудеса и исцелять людей от болезней и увечий.
Молитва преподобному Ионе Московскому исцеляет от сильной зубной боли.
На иконах святитель изображен в епископском облачении, одна рука сложена в благословении молящимся, во второй руке он держит закрытое Евангелие.
Молитва святители Ионе Московскому, и всея Руси Чудотворцу
О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Ионе, предстоя у престола всех Царя и наслаждаяся света единосущныя Троицы и херувимски со ангелы возглашая песнь трисвятую, великое же и неизследованное дерзновение имея ко всемилостивому Владыце, моли спастися паствы Христовы людем, благостояние святых церквей утверди: архиереи благолепием святительства украси, монашествующыя к подвигом добраго течения укрепи, царствующий град и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани, старыя утеши, юныя настави, безумныя умудри, вдовицы помилуй, сироты заступи, младенцы возрасти, пленных возврати, немощствующыя и молящияся тебе от всех напастей и бед ходатайством твоим свободи: моли о нас Всещедраго и Человеколюбиваго Христа Бога нашего, да и в день Страшнаго Пришествия Его от шуияго стояния избавит нас, и радости святых причастники сотворит со всеми святыми во веки веков. Аминь.
Тропарь 1, глас 4-й
От юности твоей весь сам себе Господеви возложив, в молитвах и трудех, и в постех образ быв добродетели, отонудуже видев Бог твое благое произволение, архиерея тя и пастыря Церкви Своей устрояет. Тем же и по представлении честное тело твое цело и нетленно соблюдеся, Ионо Святителю, моли Христа Бога, да спасет души наша.
Тропарь 2, глас 3-й
Ярем Господень измлада восприим, и Того стопам невозвратным желанием последовал еси, и освященнаго подвига достиже святительства паству приим и чудес от Бога дары прият, с верою приходящим к раце мощей твоих подаеши различным недугом исцеление неоскудно, отче наш Ионо, святителю Христов, моли Христа Бога даровати нам велию милость.
Тропарь 3, глас 3-й
Божественною благодатию просветився и по смерти показуя светлость жития твоего, источаеши мирови благоухания притекающим к раце мощей твоих, и народи Московстии наставляеши ко свету богоразумия, Ионо, отче наш, моли Христа Бога даровати нам велию милость.
Тропарь святители, глас 4-й
Правило веры и образ кротости воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Ионе, моли Христа Бога спастися душам нашим.
Кондак святители, глас 2-й
Божественный гром, труба духовная, веры насадителю и отсекателю ересей, Троицы угодниче, великий святителю Ионе, со ангелы предстоя присно, моли непрестанно о всех нас.
Иконы преподобного Феодора Студита
Преподобный Феодор Студит родился в семье знатных византийцев, которые удалились от придворной жизни и приняли монашеский постриг. Феодор, получивший блестящее образование, прославился своими проповедями в защиту икон.
Чувствуя в себе потребность служить одному Господу, преподобный Феодор вместе со своими братьями удалился в пустыню, где и основал обитель.
Неустанные труды во славу Господа, строгий пост и подвижническая жизнь были вознаграждены Господом даром исцелять людей от сильных желудочных болей, которыми страдал и сам Феодор. При жизни преподобный своими молитвами охранял людей от пожаров и нападения диких зверей, даровал силы отчаявшимся и заболевшим.
Молитва преподобному помогает исцелиться от заболеваний желудочно-кишечного тракта, спасает при спазмах в желудке, язвах двенадцатиперстной кишки.
На иконах преподобный изображен в образе старца в монашеском облачении, с непокрытой головой. В одной руке Феодор держит закрытое Евангелие, второй благословляет молящихся.
Кондак, глас 2-й
Постническое и равноангельское житие твое страдальческими уяснил еси подвиги и Ангелом совесельник, Богоблаженне, явился еси, Феодоре. С ними Христу Богу моляся не престай о всех нас.
Молитва преподобному
О, священная главо, преподобне отче, преблаженне авво Феодоре, не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих, моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый, аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
Иконы мучеников Антония, Евстафия и Иоанна Виленских (Литовских)
Братья Антоний и Иоанн служили при дворе литовского князя Ольгерда, который после смерти своей жены отрекся от православия и стал истреблять христианскую веру по всей Литве. Крещеные Антоний и Иоанн не отступились от веры, открыто проповедуя слово Божие, за что по настоянию языческих жрецов были преданы жестоким истязаниям.
Братья мужественно перенесли многочисленные пытки и продолжали прославлять имя Божье, обращая силой своего духа язычников в христиан. Тогда князь распорядился повесить их на дубе. По смерти Антония и Иоанна дальний родственник братьев, принявший крещение под именем Евстафий, также открыто признался в православной вере и после долгих мучений был казнен на том же месте.
Однако мужество литовских мучеников так поразило князя и жителей Литвы, что страна вернулась на путь православия, а мощи великомучеников стали обладать исцеляющей силой.
По молитве братьями Виленскими молящимся даруется исцеление от болей в ногах.
На иконах всех трех литовских великомучеников изображают всегда вместе. На ряде образов они предстают в богатых придворных одеждах, на некоторых иконах – в образе мучеников, облаченных в хитоны. Один из братьев держит в руке мученический крест.
Молитва
Святии мученицы Антоние, Иоанне и Евстафие! Призрите с небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззакониям нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, от пагубных страстей воздержание и от всякия скверны удаление: и да укрепит во всем мире Свою едину святую соборную и апостольскую Церковь, юже стяжал еси честною Своею кровию. Молитися прилежно, святии мученицы, да благословит Христос Бог всю нашу державу, да утвердит во святей Своей Православней Церкви живый дух правыя веры и благочестия: да вся чада ея, от суемудрия и суеверия свободившеся, духом и истиной поклоняются Ему и о соблюдении Его заповедей усердно потщатся; да мы вси в мире и благочестии поживем в настоящем веце, и достигнем блаженныя вечныя жизни на небеси благодатию
Господа нашего Иисуса Христа, Емуже подобает всякая слава, честь и держава, со Отцем и Святым Духом, ныне и присно и во веки веков. Аминь.
Тропарь 1, глас 4-й
Иже земных чести и славы отвергшеся, доблии и честнии, страдальцы, веры ради крепко и мужественно муки претерпесте, на смерть себе давше за живот всех Владыку: темже и Христос преславно столпом облачным с небесе вас озари и почестьми и венцы от престола славы венча: со ангелы Тому предстояще, молите спастися душам нашим.
Тропарь 2, глас 4-й
От корене неплодна, преблаженнии, возрастивше православныя веры ветви, первомучеником тезоименития явистеся: злаго бо и нечестиваго князя ярости не убоястеся, повелевающа Христа отрещися, сего ради мученическия венцы приемше и со ангелы престолу Владычню предстояще, о нас молитеся, преблаженнии, православно чтущих святую память вашу.
Иконы преподобного Иринарха, затворника Ростовского
Преподобный Иринарх в 30 лет принял монашеский постриг и стал вести жизнь, полную смиренного послушания и лишений. После того как он отдал свои единственные сапоги нуждавшемуся страннику, Иринарх стал ходить босым и летом и зимой, затем надел на себя вериги и цепи, которые не снимал четверть века.
Всю свою монашескую жизнь преподобный соблюдал самый строгий пост, 3 года провел в темной и тесной келье в затворничестве, выполнял самую тяжелую работу. Слава о подвижнике распространилась по всей Руси, к нему приезжали получить благословление Минин и Пожарский.
За свою полную лишений и духовного подвига жизнь преподобный был удостоен дара исцелять недуги, по молитве Иринарху проходят головная боль, душевное беспокойство, обретается спокойствие духа, возвращается здоровый сон.
Молитва
О, великий угодниче Христов, добропроизвольный страдальче, новопросиявый чудесы, отче наш Иринарше, Российстей земли удобрение, граду Ростову похвало, обители сей велие украшение и утверждение! Кто не удивится твоему самопроизвольному и долголетнему страдальческому терпению: тридесять бо лет в тесней и хладней хижине себе заключил еси, хлад, алчбу и изнурение плоти Царствия ради Небеснаго понесл еси, к сему же и изгнание из обители, по наваждению вражию, безропотно претерпел еси. Вемы же, яко посреди умолен быв от братии, яко незлобивый агнец, паки в обитель твою возвратился еси и в туюжде хижину вселился еси, яко адамант твердый, на невидимая бесовская полчища и видимыя враги твоя терпением себе вооружив. Егда же попущением Божиим наидоша на обитель сию польстии ратницы, сих не убоялся еси смертнаго прещения, но уцеломудрився словом, во своя си возвратитися сотворил еси. Сего ради Всеблагий Бог, видя твою веру и страдальческое долготерпение, дар прозорливства и исцеления тебе дарова: бесным бо исцеление, хромым доброхождение, слепым прозрение подавал еси, и иная многая с верою к тебе приходящим во благо даже доднесь чудодействуеши. Мы же недостойнии, таковая чудеса видяще и радости исполняющеся, взываем к тебе сице: радуйся, доблественный страдальче и бесов победителю, радуйся, скорый наш помощниче и теплый к Богу молитвенниче. Услыши убо и нас грешных, молящихся тебе и прибегающих под кров твой: яви милостивное предстательство твое о нас ко Всевышнему и исходатайствуй твоими богоприятными молитвами вся полезная ко спасению душ и телес наших, сохрани святую обитель сию, всякий град и весь и всякую страну христианскую от всех наветов вражиих, в скорбех же и болезнех наших подавай нам руку помощи, да твоим ходатайством и заступлением, благодатию же и милосердием Христа Бога нашего, избавимся и мы недостойнии, по отшествии от жития сего, шуияго стояния, и да сподобимся деснаго со всеми святыми во веки веков. Аминь.