Молитвенное призывание святого, имя которого носишь
Моли́ Бо́га о мне, святы́й уго́дниче Бо́жий (имя), я́ко аз усе́рдно к тебе́ прибега́ю, ско́рому помо́щнику и моли́твеннику о души́ мое́й.
Или:
Моли́ Бо́га о мне, свята́я уго́днице Бо́жия (имя), я́ко аз усе́рдно к тебе́ прибега́ю, ско́рой помо́щнице и моли́твеннице о души́ мое́й.
Каждый из нас, членов Церкви, носит имя какого-нибудь святого; это имя дается при Крещении. Вместе с именем нам дается и образец для подражания – святой заступник пред Богом. Святые – Ангелы и люди – верные слуги и друзья Божии; они – граждане Царствия Небесного, и они бесконечно более нас способны к любви, прощению, милости; их связь с нами есть связь любви и милосердия. Мы общаемся со святыми в молитвах и просим их молитвенной помощи: нашу несовершенную, слабую, неумелую молитву святые возносят к Богу, Которому они близки. На любовь и память святые отвечают нам гораздо большей любовью и памятью, сильным заступничеством. Поэтому очень важно беречь и воссоздавать духовную связь со своим святым, ежедневно обращаться к нему, помнить его, чтобы и он помнил тебя.
Песнь Пресвятой Богородице
Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́нна Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.
Слова этой молитвы, самой древней и самой прекрасной из бесчисленных молитв Божией Матери, взяты из рассказа о событии Благовещения (Евангелие от Луки, 1, 26–56). Святая праведная Елисавета под действием Святого Духа произнесла те же удивительные слова, что и Архангел Гавриил: благословенна Ты между женами (или, по-церковнославянски: благослове́нна Ты в жена́х ). А мы к словам Ангела и праведной Елисаветы добавляем еще: я́ко Спа́са родила́ еси́ душ на́ших , высказывая этим Пресвятой Богородице веру в Ее Божественного Сына, Которого от всего сердца признаем Спасителем наших душ.
Тропарь Кресту и молитва за Отечество
Спаси́, Го́споди, лю́ди Твоя́, и благослови́ достоя́ние [93] Твое́, побе́ды на сопроти́вныя [94] да́руя, и Твое́ сохраня́я Кресто́м Твои́м жи́тельство [95] .
Крест Христов имеет особенную силу сохранять нас от всякого зла. Эту силу мы и призываем в молитве Кресту на всё достояние Божие – на всё, принадлежащее Христу: на людей Его, то есть православных христиан, носящих имя Христово, на святую Церковь (общество всех истинно верующих, среди которых Господь невидимо пребывает и живет), а также на наше Отечество.
Молитва о живых
Спаси́, Го́споди, и поми́луй отца́ моего́ духо́внаго (имя), роди́телей мои́х (имена), сро́дников (имена), нача́льников, наста́вников, благоде́телей (имена их) и всех правосла́вных христиа́н.
Молитва о усопших
Упоко́й, Го́споди, ду́ши усо́пших раб Твои́х: роди́телей мои́х, сро́дников, благоде́телей (имена их) и всех правосла́вных христиа́н, и прости́ им вся согреше́ния во́льная и нево́льная, и да́руй им Ца́рствие Небе́сное.
В молитве мы просим Бога не только за себя, но и за других. С верою и любовью обращаясь к Богу, мы должны помянуть и наших близких людей: сами о них вспомнить и попросить Бога их не забывать. Господь учил нас молиться и за врагов наших – и нет лучше способа для истинного примирения с обидчиками и обиженными, чем такая молитва. Тем более должны мы молиться за наших благодетелей, которых у каждого человека очень много, ведь почти все доброе приходит к нам через людей. О усопших мы молимся так же, как и о живых, ведь у Бога все живы – души живы и сейчас, а потом воскреснет и тело. Мы просим для них прощения грехов, вольных и невольных, и Царствия Небесного. Теперь, когда для них закончилась земная жизнь, наша любовь к усопшим близким может выражаться только в молитве, но молитва эта много дает им.
Окончание молитв. Хвалебная песнь Пресвятой Богородице
Досто́йно есть [96] я́ко вои́стину [97] блажи́ти Тя [98] Богоро́дицу, Присноблаже́нную [99] и Пренепоро́чную [100] и Ма́терь Бо́га на́шего. Честне́йшую Херуви́м [101] и сла́внейшую без сравне́ния Серафи́м [102] , без истле́ния [103] Бо́га Сло́ва ро́ждшую, су́щую [104] Богоро́дицу Тя велича́ем.
Херуви́мы (по-древнееврейски это слово означает "излияние мудрости") и Серафи́мы ("пламенеющие") – высшие Ангелы, ближайшие к Богу. В этой молитве мы восхваляем Матерь Божию, превосходящую по Своим совершенствам не только всех людей, но и святых Ангелов.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Господи, помилуй. (Трижды.)
Го́споди Иису́се Христе́, Сы́не Бо́жий, моли́тв ра́ди [105] Пречи́стыя Твоея́ Ма́тере, преподо́бных [106] и богоно́сных [107] оте́ц на́ших и всех святы́х, поми́луй нас. Ами́нь.
Молитвы на сон грядущим
Во и́мя Отца́ и Сы́на и Свята́го Ду́ха. Ами́нь .
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй нас. Ами́нь.
Сла́ва Тебе́, Бо́же наш, сла́ва Тебе́.
Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.
Святы́й Бо́же, Святы́й Кре́пкий, Святы́й Безсме́ртный, поми́луй нас.
(Трижды.)
Сла́ва, и ны́не:
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй. (Трижды.)
Сла́ва, и ны́не:
О́тче наш, И́же еси́ на Небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́, и на земли́. Хлеб наш насу́щный даждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Тропари
Поми́луй нас, Го́споди, поми́луй нас; вся́каго бо отве́та недоуме́юще [108] , сию́ Ти моли́тву я́ко Влады́це гре́шнии прино́сим: поми́луй нас.
Сла́ва: Го́споди, поми́луй нас, на Тя бо упова́хом [109] ; не прогне́вайся на ны [110] зело́ [111] , ниже́ [112] помяни́ беззако́ний на́ших, но при́зри и ны́не я́ко благоутро́бен [113] , и изба́ви ны от враг на́ших; Ты бо еси́ Бог наш, и мы лю́дие Твои́, вси дела́ руку́ Твое́ю [114] , и и́мя Твое́ призыва́ем.
И ны́не: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю [115] от бед: Ты бо еси́ спасе́ние ро́да христиа́нскаго.
Господи, помилуй. (12 раз.)
Молитва святого Макария Великого, к Богу Отцу
Бо́же ве́чный и Царю́ вся́каго созда́ния, сподо́бивый мя да́же в час сей доспе́ти [116] , прости́ ми [117] грехи́, я́же сотвори́х [118] в сей день де́лом, сло́вом и помышле́нием, и очи́сти, Го́споди, смире́нную [119] мою́ ду́шу от вся́кия скве́рны пло́ти и ду́ха. И даждь ми, Го́споди, в нощи́ сей сон прейти ́ [120] в ми́ре, да воста́в от смире́ннаго ми ло́жа [121] , благоугожду́ пресвято́му и́мени Твоему́, во вся дни живота́ моего́ [122] , и поперу́ [123] борю́щия мя враги́ плотски́я и безпло́тныя. И изба́ви мя, Го́споди, от помышле́ний су́етных, оскверня́ющих мя, и по́хотей лука́вых [124] . Я́ко Твое́ есть ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Молитва святого Антиоха, ко Господу нашему Иисусу Христу
Вседержи́телю, Сло́во О́тчее, Сам соверше́н сый [125] , Иису́се Христе́, мно́гаго ра́ди милосе́рдия Твоего́ никогда́же отлуча́йся мене́, раба́ Твоего́, но всегда́ во мне почива́й. Иису́се, до́брый Па́стырю Твои́х ове́ц, не преда́ждь мене́ крамоле́ [126] змии́не, и жела́нию сатанину́ не оста́ви мене́ [127] , я́ко се́мя тли [128] во мне есть. Ты у́бо, Го́споди Бо́же покланя́емый, Царю́ Святы́й, Иису́се Христе́, спя́ща мя сохрани́ немерца́ющим [129] све́том, Ду́хом Твои́м Святы́м, И́мже освяти́л еси Твоя́ ученики́. Да́ждь [130] , Го́споди, и мне, недосто́йному рабу́ Твоему́, спасе́ние Твое́ на ло́жи мое́м: просвети́ ум мой све́том ра́зума [131] свята́го Ева́нгелия Твоего́, ду́шу любо́вию Креста́ Твоего́, се́рдце чистото́ю словесе́ Твоего́, те́ло мое́ Твое́ю Стра́стию безстра́стною [132] , мысль мою́ Твои́м смире́нием сохрани́, и воздви́гни мя во вре́мя подо́бно [133] на Твое́ славосло́вие. Я́ко препросла́влен еси́ со Безнача́льным Твои́м Отце́м и с Пресвяты́м Ду́хом во ве́ки. Ами́нь.
Молитва ко Пресвятому Духу
Го́споди, Царю́ Небе́сный, Уте́шителю, Ду́ше и́стины, умилосе́рдися и поми́луй мя гре́шнаго раба́ Твоего́, и отпусти́ ми недосто́йному, и прости́ вся, ели́ка Ти согреши́х [134] днесь [135] я́ко челове́к, па́че же [136] и не я́ко челове́к, но и горе́е [137] скота́, во́льныя моя́ грехи́ и нево́льныя, ве́домыя и неве́домыя: я́же [138] от ю́ности [139] и от нау́ки злы [140] , и я́же суть от на́гльства [141] и уны́ния. А́ще [142] и́менем Твои́м кля́хся [143] , или́ поху́лих е́ [144] в помышле́нии мое́м; или кого́ укори́х, или́ оклевета́х кого́ гне́вом мои́м, или́ опеча́лих, или о чем прогне́вахся; или солга́х, или безго́дно [145] спах, или́ нищ прии́де ко мне, и презре́х его́; или́ бра́та моего́ опеча́лих, или́ сва́дих [146] , или́ кого́ осуди́х; или́ развелича́хся, или разгорде́хся, или́ разгне́вахся; или́ стоя́щу ми на моли́тве [147] , ум мой о лука́вствии ми́ра сего́ подви́жеся [148] , или́ развраще́ние помы́слих, или́ объядо́хся, или́ опи́хся, или́ без ума́ смея́хся; или́ лука́вое [149] помы́слих, или́ добро́ту чужду́ю ви́дев [150] , и то́ю уя́звлен бых се́рдцем [151] ; или́ неподо́бная глаго́лах [152] , или́ греху́ бра́та моего́ посмея́хся, моя́ же суть безчи́сленная согреше́ния [153] ; или́ о моли́тве не ради́х [154] , или́ и́но что соде́ях лука́вое, не по́мню, та бо вся и бо́льша сих соде́ях [155] . Поми́луй мя, Тво́рче мой Влады́ко, уны́лаго и недосто́йнаго раба́ Твоего́, и оста́ви ми, и отпусти́, и прости́ мя, я́ко Благ и Человеколю́бец, да с ми́ром ля́гу, усну́ и почи́ю [156] , блу́дный, гре́шный и окая́нный аз, и поклоню́ся, и воспою́, и просла́влю пречестно́е и́мя Твое́, со Отце́м, и Единоро́дным Его́ Сы́ном, ны́не и при́сно и во ве́ки. Ами́нь.
Молитва
Го́споди Бо́же наш, е́же согреши́х [157] во дни сем сло́вом, де́лом и помышле́нием, я́ко [158] Благ и Человеколю́бец, прости́ ми [159] . Ми́рен сон и безмяте́жен да́руй ми. А́нгела Твоего́ храни́теля посли́ [160] , покрыва́юща и соблюда́юща мя [161] от вся́каго зла, я́ко Ты еси́ [162] храни́тель душа́м и телесе́м на́шим, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.
Молитва святого Иоанна Златоуста (24 молитвы, по числу часов дня и ночи)
1 Го́споди, не лиши́ мене́ Небе́сных Твои́х благ. 2 Го́споди, изба́ви мя ве́чных мук. 3 Го́споди, умо́м ли или́ помышле́нием, сло́вом или́ де́лом согреши́х [163] , прости́ мя. 4 Го́споди, изба́ви мя вся́каго неве́дения, и забве́ния, и малоду́шия, и окамене́ннаго нечу́вствия. 5 Го́споди, изба́ви мя от вся́каго искуше́ния. 6 Го́споди, просвети́ мое́ се́рдце, е́же помрачи́ лука́вое похоте́ние [164] . 7 Го́споди, аз я́ко челове́к согреши́х, Ты же, я́ко Бог щедр, поми́луй мя, ви́дя не́мощь души́ моея́. 8 Го́споди, посли́ благода́ть Твою́ в по́мощь мне, да просла́влю и́мя Твое́ свято́е. 9 Го́споди Иису́се Христе́, напиши́ мя раба́ Твоего́ в кни́зе живо́тней [165] и да́руй ми коне́ц благи́й. 10 Го́споди Бо́же мой, а́ще и ничто́же бла́го сотвори́х [166] пред Тобо́ю, но даждь [167] ми по благода́ти Твое́й положи́ти нача́ло благо́е. 11 Го́споди, окропи́ в се́рдце мое́м ро́су благода́ти Твоея́. 12 Го́споди Небесе́ и земли́, помяни́ мя гре́шнаго раба́ Твоего́, сту́днаго 6 и нечи́стаго, во Ца́рствии Твое́м. Ами́нь.
1 Го́споди, в покая́нии приими́ мя. 2 Го́споди, не оста́ви мене́. 3 Го́споди, не введи́ мене́ в напа́сть. 4 Го́споди, даждь [168] ми мысль бла́гу. 5 Го́споди, даждь ми сле́зы, и па́мять сме́ртную, и умиле́ние. 6 Го́споди, даждь ми по́мысл испове́дания грехо́в мои́х. 7 Го́споди, даждь ми смире́ние, целому́дрие и послуша́ние. 8 Го́споди, даждь ми терпе́ние, великоду́шие и кро́тость. 9 Го́споди, всели́ в мя ко́рень благи́х [169] , страх Твой в се́рдце мое́. 10 Го́споди, сподо́би мя [170] люби́ти Тя от всея́ души́ моея́ и помышле́ния и твори́ти во всем во́лю Твою́. 11 Го́споди, покры́й мя от челове́к не́которых, и бесо́в, и страсте́й, и от вся́кия ины́я неподо́бныя ве́щи. 12 Го́споди, ве́си, я́ко твори́ши, я́коже Ты во́лиши [171] , да бу́дет во́ля Твоя́ и во мне гре́шнем, я́ко благослове́н еси́ во ве́ки. Ами́нь.
Святитель Феофан Затворник писал: "Как читать молитовки святого Златоуста (24 в вечерних молитвах на сон)? Читайте их перед молитвословием, чтобы собралось внимание воедино… Но и во всякое время мысленно повторяйте. Это лучший способ приучать себя к памятованию о Боге, а памятование сие есть основа духовной жизни".
Молитва ко Пресвятой Богородице
Блага́го Царя́ блага́я Ма́ти, Пречи́стая и Благослове́нная Богоро́дице Мари́е, ми́лость Сы́на Твоего́ и Бо́га на́шего изле́й на стра́стную [172] мою́ ду́шу и Твои́ми моли́твами наста́ви мя на дея́ния блага́я [173] , да про́чее вре́мя живота́ моего́ [174] без поро́ка прейду́ и Тобо́ю [175] рай да обря́щу [176] , Богоро́дице Де́во, еди́на Чи́стая и Благослове́нная.
Молитва ко святому Ангелу хранителю
А́нгеле Христо́в, храни́телю мой святы́й и покрови́телю души́ и те́ла моего́, вся ми прости́, ели́ка согреши́х [177] во дне́шний [178] день, и от вся́каго лука́вствия [179] проти́внаго ми [180] врага́ изба́ви мя, да ни в ко́емже гресе́ [181] прогне́ваю Бо́га моего́; но моли́ за мя гре́шнаго и недосто́йнаго раба́, я́ко да досто́йна мя пока́жеши [182] бла́гости и ми́лости Всесвяты́я Тро́ицы и Ма́тере Го́спода моего́ Иису́са Христа́ и всех святы́х. Ами́нь.
Конда́к [183] Пресвятой Богородице
Взбра́нной [184] Воево́де победи́тельная [185] , я́ко изба́вльшеся от злых [186] , благода́рственная [187] воспису́ем Ти [188] раби́ Твои́, Богоро́дице, но я́ко иму́щая держ́аву [189] непобеди́мую, от вся́ких нас бед свободи́, да зове́м Ти: ра́дуйся, Неве́сто неневе́стная [190] .
Тебе, сильной Военачальнице, мы, рабы Твои, Богородица, воспеваем благодарственную победную песнь, потому что мы избавлены Тобою от зол; но Ты, имеющая силу непобедимую, освободи нас от всех бед, чтобы нам взывать к Тебе: радуйся, Невеста Неневестная!
Пресла́вная Присноде́во, Ма́ти Христа́ Бо́га, принеси́ на́шу моли́тву Сы́ну Твоему́ и Бо́гу на́шему, да спасе́т Тобо́ю [191] ду́ши на́ша.
Все упова́ние мое на Тя возлага́ю, Ма́ти Бо́жия, сохрани́ мя под кро́вом [192] Твои́м.
Богоро́дице Де́во, не пре́зри мене́ гре́шнаго, тре́бующа Твоея́ по́мощи [193] и Твоего́ заступле́ния, на Тя́ бо упова́ душа́ моя́ [194] , и поми́луй мя.
Молитва святого Иоанникия
Упова́ние мое́ Оте́ц, прибе́жище мое́ Сын, покро́в мой Дух Святы́й: Тро́ице Свята́я, сла́ва Тебе́.
Окончание молитв
Досто́йно есть я́ко вои́стину блажи́ти Тя, Богоро́дицу, Присноблаже́нную и Пренепоро́чную и Ма́терь Бо́га на́шего. Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу Тя велича́ем.
Слава, и ныне:
Го́споди, поми́луй. (Трижды.)
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, преподо́бных и богоно́сных оте́ц на́ших и всех святы́х, поми́луй нас. Ами́нь.
Знаменуй себя крестом и читай молитву Честному Кресту:
Огради́ мя, Го́споди, си́лою Честна́го и Животворя́щаго Твоего́ Креста́, и сохрани́ мя от вся́каго зла.
Или же читай молитву Кресту
Когда отходишь ко сну, произноси:
В ру́це [195] Твои́, Го́споди Иису́се Христе́, Бо́же мой, предаю́ дух мой: Ты же мя благослови́, Ты мя поми́луй и живо́т ве́чный [196] да́руй ми. Ами́нь.
Молитвенное правило преподобного Серафима
Если утром или вечером нет возможности выполнить обычное молитвенное правило, нужно хотя бы на ходу, в дороге читать краткое правило преподобного Серафима Саровского:
О́тче наш… – 3 раза,
Богоро́дице Де́во… – 3 раза,
Символ веры – 1 раз.
До обеда следует мысленно повторять молитву Иисусову:
Го́споди Иису́се Христе́, Сы́не Бо́жий, поми́луй мя гре́шнаго ( или: грешную ).
После обеда до вечера следует обращаться к Божией Матери:
Пресвята́я Богоро́дице, спаси́ мя гре́шнаго ( или: грешную ).
Преподобный Серафим говорил, что если христианин будет держаться этого малого правила, как спасительного якоря среди волн мирской суеты, со смирением исполняя его, то может достигнуть высокой меры духовной, ибо эти молитвы – основание христианства: первая – слово Самого Господа и дана Им в образец всех молитв; вторая принесена с Неба Архангелом как приветствие Пресвятой Деве, Матери Господа; третья же заключает все догматы веры.