Тропарь, глас 4
Днесь церковная разширяются недра, приемлющи богатство Божия благодати, веселятся русстии собори, видяще преславная чудеса, яже творите приходящим к вам верою, святии чудотворцы Борисе и Глебе, молите Христа Бога, да спасет души наша.
Кондак, глас 4
Явися днесь в стране Русстей благодать исцеления всем, к вам, блаженнии, приходящим и вопиющим: радуйтеся, заступницы теплии.
Молитва первая
О двоице священная, братие прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровми своими, яко багряницею, украсившиися и ныне со Христом царствующии, не забудите и нас сущих на земли, но яко теплии заступницы, вашим сильным ходатайством пред Христом Богом, сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом воздвизаемую от ближних и чуждых, Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением всех чтущих святую память вашу во веки веков. Аминь.
Молитва вторая
О двоице священная, страстотерпцы Борисе и Глебе! Не забудите нас, раб Божиих ( имена ), но яко заступницы, вашим сильным ходатайством пред Христом Богом нас помилуйте; от нечистоты сохраните, от скорби, озлоблений и внезапный смерти избавите. Испросите у Великодаровитаго Владыки нам оставление прегрешений наших, единомыслие и здравие. Снабдевайте заступлением вашим приход сей, дом (святый храм) сей и вся чтущия святую память вашу во веки веков.
Молитвы при болезнях желудка
Великомученику Артемию
Святой великомученик Артемий был одним из выдающихся военачальников в правление равноапостольного царя Константина Великого. Имея много наград за отличную службу и отвагу, Артемий был поставлен наместником Египта. В этой должности он много сделал для распространения и укрепления христианства в Египте. Императора Константина на престоле сменил император-отступник Юлиан, который, желая возвратить язычество, вел непримиримую борьбу с христианством.
Так, в Антиохии Юлиан приказал истязать двух епископов, не желавших отречься от Христовой веры. В это время в город пришел святой Артемий и всенародно обличил императора в нечестии. Разгневанный Юлиан подверг святого жестоким пыткам, после чего его бросили в темницу. Во время молитвы святому Артемию явился Сам Христос в окружении ангелов и сказал: "Мужайся, Артемий! Я с тобой и избавлю тебя от всякой боли, какую причинили тебе мучители, и уже готовлю тебе венец славы. Ибо как ты исповедал Меня пред людьми, на земле, так и Я исповедую тебя пред Отцем Моим Небесным. Итак, будь мужествен и радуйся – ты будешь со Мною в Моем Царстве".
На следующий день Юлиан потребовал, чтобы великомученик Артемий признал языческих богов. Однако святой решительно отказался, и тогда его вновь начали пытать, но все мучения святой переносил без единого стона. Святой предрек Юлиану, что скоро тот получит справедливое возмездие за зло, причиненное им христианам. Отступник разъярился и прибег к еще более лютым пыткам, но они не сломили волю великомученика, и тогда святой Артемий был обезглавлен.
День памяти великомученика Артемия – 2 ноября (20 октября по старому стилю).
Тропарь, глас 4
Истинною бо Христовою верою утверждься, страстотерпче, мучителя злочестива царя победил еси со идольским того возношением. Тем от Царя Великаго, вечно царствующаго, пресвет лым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.
Кондак, глас 2
Благочестиваго и венценоснаго мученика, на враги победы вземшаго одоление, сошедшеся, достойно песньми восхвалим Артемия, превеликаго в мученицех, чудес же дателя пребогатаго, молится бо Господу о всех нас.
Молитва
Святый угодниче Божий, Артемие праведный! Призри милостивно на усердную молитву нас, грешных ( имена ), и твоим благомощным предстательством прощение согрешений наших у Господа испроси, преспеяние же в вере и благочестии и от козней диавольских ограждение исходатайствуй нам. Наипаче же моли Господа, да сподобит всех нас по христианской кончине Небесное Царствие получити, идеже вси праведнии купно с тобою славят Отца и Сына и Святаго Духа во веки веков.
Преподобному Феодору Студиту, исповеднику
Святой Феодор получил широкое и разностороннее образование. Глубоко изучив Святое Писание, он успешно противостоял еретикам-иконоборцам. В 796 году за ревность о сохранении церковных правил и обличение беззакония императора Константина VI Багрянородного, преподобный после жестоких мучений был сослан в заточение в город Солунь.
В царствование императрицы Ирины преподобного вернули из ссылки, дав ему в управление запустевший Студийский монастырь. Скоро в обители собралось до тысячи иноков.
При императорах Никифоре I (802 – 811) и Льве Армянине (813 – 820) святой Феодор много страдал за иконопочитание. Он претерпел заточение сначала в Иллирии, в крепости Метопа, а затем в Анатолии, в Боните.
После смерти Льва Армянина преподобный Феодор, освобожденный из заточения, поселился в городе Херсонесе (Вифиния). Несмотря на тяжелый недуг, он ежедневно совершал Божественную литургию и поучал братию. Он мирно скончался в Вифинии в 826 году.
Преподобный Феодор, как при жизни, так и по кончине, совершил много чудес. Призывающие имя его избавлялись от пожаров, от нападения диких зверей, получали исцеление недугов.
Дни памяти преподобного Феодора Студита, исповедника, – 8 февраля (26 января по старому стилю) и 24 ноября (11 ноября по старому стилю).
Тропарь, глас 8
Православия наставниче, благочестия учителю и чистоты, вселенныя светильниче, монашествующих богодухновенное удобрение, Феодоре премудре, ученьми твоими вся просветил еси, цевнице духовная, моли Христа Бога спастися душам нашим.
Кондак, глас 2
Постническое и равноангельное житие твое страдальческими уяснил еси подвиги и Ангелом совсельник, богоблаженне, явился еси, Феодоре. С ними Христу Богу моляся не престай о всех нас.
Молитва
О священная главо, преподобне отче, преблаженне авво Феодоре! Не забуди убогих твоих до конца, но поминай нас всегда во святых твоих и благоприятных молитвах к Богу! Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю; не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителя, и не престай моляся о нас ко Христу Богу: ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со Ангельскими воинствами, со Безплотными лики, с Небесными силами, у Престола Вседержителева предстоящи, достойно веселится. Ведуще убо тя воистинну и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Богу нашему Иисусу Христу; Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
Молитвы при головной боли
Святому пророку, Предтече и Крестителю Господню Иоанну
О мученической кончине святого Иоанна Крестителя в 32 году по Рождестве Христовом повествуют евангелисты Матфей (Мф. 14:1 – 12) и Марк (Мк. 6:14 – 29).
После Крещения Господня святой Иоанн Креститель был заключен в темницу Иродом Антипой. Пророк Божий открыто обличал Ирода за то, что, оставив законную жену, дочь аравийского царя Арефы, он беззаконно сожительствовал с Иродиадой, женой своего брата Филиппа.
В день своего рождения Ирод устроил пир вельможам, старейшинам и тысяченачальникам. Дочь Иродиады Саломия плясала перед гостями и угодила Ироду. В благодарность девице он поклялся дать все, чего она ни попросит, даже до половины своего царства. Скверная танцовщица по совету своей злобной матери Иродиады просила подать ей тотчас же на блюде голову Иоанна Крестителя.
Ирод повелел отрубить голову святому Иоанну и отдать Саломии. По преданию, уста мертвой главы проповедника покаяния открылись и произнесли: "Ирод, не должно тебе иметь жену Филиппа, брата твоего".
Дни празднования святому Пророку, Предтече и Крестителю Господню Иоанну – 20 января (7 января по старому стилю), 9 марта (24 февраля), 7 июня (25 мая), 7 июля (24 июня), 11 сентября (29 августа), 6 октября (23 сентября по старому стилю).
Тропарь, глас 2
Память праведнаго с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго: тем же за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.
Кондак, глас 5
Предтечево славное усекновение, смотрение бысть некое Божественное, да и сущим во аде Спасово проповесть пришествие; да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.
Молитва
Крестителю Христов, честный Предтече, крайний пророче, первый мучениче, постников и пустынников наставниче, чистоты учителю и ближний друже Христов! Тя молю, и тебе прибегая не отрини мене от твоего заступления, не остави мя падшего многими грехи; обнови душу мою покаянием, яко вторым крещением; очисти мя, грехи оскверненнаго, и понуди внити, иможе ничтоже скверно входит, в Царствие Небесное. Аминь.
Молитва вторая
Крестителю Христов, проповедниче покаяния, кающагося не презри мене, но совокупляяся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего. Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю? Не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ты бо сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первый надесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов! Тя молю, к тебе прибегаю: не отрини мене от твоего заступления, но возстави мя, низверженнаго многими грехи. Обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно. Очисти мя, грехами оскверненнаго, и понуди внити, аможе ничтоже скверно входит, в Царствие Небесное. Аминь.
Молитвы при заболеваниях рук
Божией Матери перед Ее иконой "Троеручица"
"Троеручица" – икона, перед которой молился святой Иоанн Дамаскин. История, с которой связывают появление третьей руки на иконе, произошла в тяжелое время иконоборчества, когда на престоле византийском сидел император Лев Исаврянин. Иоанн Дамаскин, бывший первым министром халифа Дамасского, был оклеветан императором.
Подделав почерк Иоанна Дамаскина, Лев представил халифу подложное письмо, в котором первый министр халифа якобы склоняет его – византийского императора – развязать войну с сарацинами и захватить Дамаск. Разгневанный халиф повелел отрубить Иоанну Дамаскину правую руку. Об одном просил святой Иоанн – оставить ему отрубленную руку, и халиф внял просьбе.
Удалившись в свои покои, Иоанн Дамаскин приложил отрубленную руку к суставу и горячо молил Божию Матерь об исцелении. Он просил Владычицу Небесную вернуть ему руку, чтобы вершить ею правые дела. Сотворив молитву Иоанн Дамаскин уснул, а проснувшись, обнаружил руку свою полностью здоровой, на положенном ей месте.
Халиф, узнав о чудесном исцелении, понял, что был обманут императором византийским и зря разгневался на своего первого министра. Однако, несмотря на просьбы халифа вернуться на службу, Иоанн Дамаскин решил удалиться от дел и принял иночество.
Икона же, пред которой святой Иоанн молился об исцелении руки, была украшена изображением третьей руки, в память о чуде.
Святой Иоанн Дамаскин удалился на монашеские подвиги в лавру преподобного Саввы Освященного, принеся с собой образ Пречистой Девы "Троеручица". Через несколько столетий братия лавры передала икону "Троеручицы" в благословение святителю Савве Сербскому вместе с завещанной святым Саввой Освященным своему тезке иконой "Млекопитательница".
Во время турецкого нашествия на Сербию, желая сохранить икону, христиане препоручили святыню Самой Пречистой Деве: икону возложили на осла и без погонщика отправили куда выведет Бог. Чудесным образом осел пришел на Афон, остановившись перед Хилендарской обителью.
Дни празднования иконы Божией Матери "Троеручица" – 11 июля, (28 июня по старому стилю) и 25 июля (12 июля по старому стилю).
Тропарь, глас 4
Днесь всемирная радость возсия нам велия: даровася святей Горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих в прославление Святыя Троицы, созываеши бо верных и молящихся Тебе о сем познати, яко двема Сына и Господа держиши, третию же яви на прибежище и покров чтущим Тя, от всяких напастей и бед избавляти, да вси, притекающии к Тебе, верою приемлют неоскудно от всех зол свобождение, от врагов защищение, сего ради и мы вкупе со Афоном вопием: радуйся, Благодатная, Господь с Тобою.
Кондак, глас 3
Дева днесь благоволение к нам являет, Гора же Афон благодарение Ей приносит, Ангели и иноцы славословят, Троеручица из Сербии чудесно путешествует: нас бо ради прииде и вселися во святую обитель Хиландарскую.
Молитва
Пресвятая и Преблагословенная Дево Богородице Марие! Припадаем и поклоняемся Ти пред святою иконою Твоею, воспоминая преславное чудо Твое исцелением усеченныя десницы преподобнаго Иоанна Дамаскина от иконы сея явленное, его же знамение доныне видимо есть на ней во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и, якоже блаженнаго Иоанна, в скорби и болезни к Тебе возопившаго, услышала еси, так и нас не призри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы и несть помогающаго, ниже заступающаго, аще не Ты умилосердишися о нас, Владычице.
Ей, молим Ти ся, вонми гласу болезненному нашему и помози нам святоотеческую православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем Суде Сына Твоего и Бога нашего, Его же умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего Господа Иисуса Христа, Ему же подобает слава и держава, честь и поклонение, купно со Отцем и Святым Духом всегда, ныне и присно и во веки веков. Аминь.
Молитва вторая
О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную и надежду несумненную показавшему! Услыши нас, грешных раб Твоих ( имена ), пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех чтущих святую икону Твою, да радостно воспоем и любовию прославим имя Твое, яко Ты еси от всех родов избранная, благословенная во веки веков. Аминь.
Преподобному Иоанну Дамаскину
День памяти преподобного Иоанна Дамаскина – 17 декабря (4 декабря по старому стилю).
Тропарь, глас 8
Православия наставниче, благочестия учителю и чистоты, вселенныя светильниче, монашествующих богодохновенное удобрение, Иоанне премудре, ученьми твоими вся просветил еси, цевнице духовная, моли Христа Бога спастися душам нашим.
Кондак, глас 4
Песнописца и честнаго богоглагольника, Церкве наказателя и учителя и врагов сопротивоборца, Иоанна воспоим: оружие бо взем, Крест Господень, всю отрази ересей прелесть и яко теплый предстатель к Богу всем подает прегрешений прощение.
Молитва
О священная главо, преподобне отче, преблаженне авво Иоанне! Не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.