100 молитв на быструю помощь. Самые сильные молитвы на исцеление - Наталия Берестова 4 стр.

Молитва вторая

О теплый молитвинниче, благостный отче, преподобне Сампсоне! Моли Бога о мне, грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю прославльшагося в тебе Господа во веки. Аминь.

Преподобному Агапиту Печерскому

Молятся преподобному Агапиту Печерскому об исцелении от любых недугов.

Преподобный Агапит Печерский родом из Киева, постриженик и ученик преподобного Антония Печерского, жил в XI в., и при жизни получил прозвание «врача безвозмездного» – наделенный по воле Всевышнего благодатным даром целительства, он исцелял самых тяжелых больных и никогда не брал с них никакого вознаграждения.

Святой Агапит исцелил Черниговского князя Владимира Мономаха, будущего великого князя Киевского, прислав ему вареное былие. Благодарный князь сам пришел в монастырь и хотел видеть своего целителя, но смиренный подвижник, опасаясь славы человеческой, скрылся и не принял даров. Князь приказал боярину отнести золото ему в келью. «Сын мой! – сказал посланному преподобный. – Я не беру ни с кого за лечение – не за что: исцеляет Христос Господь, а не я».

Кондак, глас 6

Врач сый изряден, чудне, являя несумненную твою веру, обличая же армениново неверие и приводя его к благочестию, себе, близ смерти бывшу, испросил еси от Бога продолжение живота и, сим чудом того уверив, привел еси Христови. Емуже в веселии предстоя, молися о нас, преподобне.

Молитва

Преподобне отче Агапите! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели.

Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих.

Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

Святителю Варсонофию, епископу Тверскому, чудотворцу Казанскому

Перед образом святителя Варсонофия возносят молитвы об исцелении самых разных болезней.

Святитель Варсонофий (в миру Иоанн), живший в XV–XVI вв., был сыном священника Василия и в раннем возрасте обучен был грамоте и Божественному Писанию.

Семнадцатилетним юношей святитель оказался в плену у татар, где провел три года, ведя жизнь в посте и трудах, утешаясь молитвой и мыслями о Боге. После того как отец выкупил Иоанна из плена, святитель принял постриг, посвятив свою жизнь служению Господу и обращению магометан в истинную веру.

Еще при жизни святого по его молитвам происходили чудесные исцеления душевных и телесных недугов.

Кондак, глас 1-й

Возбранному святителю и чудотворцу Варсонофию составим похвалу, яко усердному молитвеннику нашему и скорому помощнику. Ты же, святителю, яко имеяй дерзновение ко Господу, умоли Его избавляти нас от всяких бед и скорбей, да с радостию зовем ти: Радуйся, Варсонофие, Казанский чудотворче!

Молитва

Приникни, святителю Варсонофие, с горних селений на притекающих к раце мощей твоих и вонми молению их: умоли Господа Бога даровати всем нам, еже ко спасению нашему мы просим у Него при святых мощах твоих. Буди всем нам заступник и ходатай в нуждах наших и прошениях. Умоли Господа Бога даровати крепкий и ненарушимый мир, благочиние, просвещение умов и сердец и земли плодоносие, пастырем святыню, законам правду и силу, военачальником мудрость и непобедимое мужество, градоначальником суд, воинству преданность вере и Отечеству и неодолимую храбрость, всем же православным христианом здравие и благочестие. Сохраняй обитель твою святую от всех наветов вражиих, да словом и делом прославляется в ней всесвятое Имя Отца и Сына и Святаго Духа, ныне и присно и во веки веков. Аминь.

Мученице Агриппине Римляныне

Агриппину Римляныну просят об избавлении от любых недугов, особенно тяжелых заболеваний и проказы.

Святая мученица Агриппина жила в Риме в III в. Отказавшись от брака, она всю свою жизнь посвятила служению Истинному Богу. Во времена правления императора Валериана святая была подвергнута страшным мучениям, переносить которые ей помогал Небесный Ангел. После мученической кончины тело святой было тайно погребено женщинами-христианками. От ее гроба и святых мощей происходили многочисленные исцеления.

Тропарь, глас 4-й

Агница Твоя, Иисусе, Агриппина зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.

Кондак, глас 4-й

Светлых подвиг твоих светоносный наста день, воньже почитающи сих, Божественная Церковь вся созывает весело вопити тебе: радуйся, дево и мученице, Агриппино всечестная.

Молитва

О святая мученице Агриппино! С юных лет посвятив себя Богу, ты украсила свою душу девством и чистотою и из любви к жениху твоему Христу претерпела страшныя муки. И по представлении своем получила дар от Господа и врачевала всякие болезни, а наипаче проказу. Услышь же, благостная и дивная мученице Агриппино, моление прокаженных, с верою сердца обращающих к тебе, и ныне, как некогда, помоги этим несчастным, поспешая избавить их от лютаго недуга. Исцели их немощных, всеми людьми презираемых, отчуждаемых и гонимых, избавь их от скорбей и мучений и от неисцельной болезни исцели их, да по выздоровлении возблагодарят и прославят они Промыслителя Бога в радости спасения своего. Аминь.

Мученику Александру Римскому

Святому Александру Римскому молятся об избавлении от любых болезней.

Святой Александр жил в Риме в начале IV в. и был военным. С детства святой исповедовал веру в Христа и в возрасте 18 лет предстал перед судом императора Максимиана – гонителя христиан.

Когда закованного в цепи мученика вели на казнь во Фракию, во время одной из остановок в пути святой молился Господу о ниспослании ему сил и терпения. Листья и плоды дерева, под которым святой возносил свою горячую молитву, с того дня обрели целебные свойства.

Солдат, которому поручили совершить казнь, долго не решался поднять руку с мечом, и Александр молился, чтобы тот смог исполнить свой долг.

После кончины святого мученика у его гроба происходили чудесные исцеления.

Кондак, глас 4-й

Яко звезда многосветлая, возсиял еси от Рима, мучениче Александре, и, яко бисер многоценный, в земли Византийстей радостно под меч за Христа главу твою преклонил еси и, сию непорочное благоухание Богу принес еси, да красуется Церковь земная и Небесная во славе исповедников Христовых.

Молитва

О святый мучениче Александре! Молим тя мы, немощные, унылые, скорбями мучимые, бурею искушений и соблазнов смущаемые, духом ослабеваемые, добрых дел не имущие, помози нам свергнуть с себя бремя нерадения и лености, дабы бодро приступить к подвигам трудолюбия и пребыть твердыми в стремлении и делании духовном для снискания себе спасения. Услыши мольбу нашу, святый Александре, о болящих, страдающих телесными и душевными недугами, исцели, являясь на помощь нам, чтущим святую память твою, ибо ты пред кончиною своею молился о почитающих память твою, да избавлены будут от всякия болезни. Яви заботу твою о нас, от болезней сохрани и от лютых недугов исцели, да всеми прославится пресвятое имя Божие во веки веков. Аминь.

Мученику Аниките

По молитвам святому отступают самые разные недуги.

Мученик Аникита, прославленный вместе со своим племянником Фотием, жил в Никомидии в III–IV вв. Будучи военным сановником, он выступил с обличением императора-язычника Диоклетиана, за что и был предан пыткам. Но сила Господня отводила руку палача от мученика и укрощала хищных зверей, которым его тело было брошено на растерзание. Свою кончину святой мученик Аникита принял в огромной печи вместе с множеством христиан.

Тропарь, глас 1-й

Болезньми святых, имиже о Тебе пострадаша, умолен буди Господи, и вся наша болезни исцели, Человеколюбче, молимся.

Тропарь, глас 4-й

Мученицы Твои, Господи, во страданиях своих венцы прияша нетленные от Тебе, Бога нашего: имуще бо крепость Твою, мучителей низложиша, сокрушиша и демонов немощныя дерзости. Тех молитвами спаси души наша.

Молитва

Святии мученицы Фотие и Аникито! Призрите с небеснаго чертога на требующих вашея помощи и не отвергните прошений наших, но, яко приснии благодетели и ходатаи наши, молите Христа Бога, да, человеколюбив и многомилостив сый, сохранит нас от всякаго лютаго обстояния: от труса, потопа, огня, меча, нашествия иноплеменников и междоусобныя брани. Да не осудит нас грешных по беззаконием нашим, и да не во зло обратим благая, даруемая нам от Всещедраго Бога, но во славу святаго имене Его и в прославление крепкаго вашего заступления. Да молитвами вашими даст нам Господь мир помыслов, воздержание от пагубных страстей и от всякия скверны и да укрепит во всем мире Свою Едину Святую, Соборную и Апостольскую Церковь, юже стяжал есть честною Своею Кровию. Молитеся прилежно, святии мученицы, да благословит Христос Бог державу, да утвердит во святей Своей Православней Церкви живый дух правыя веры и благочестия, да вси члены ея, чистии от суемудрия и суеверия, духом и истиною покланяются Ему и усердно пекутся о соблюдении Его заповедей, да мы вси в мире и благочестии поживем в настоящем веце и достигнем блаженныя вечныя жизни на небеси, благодатию Господа нашего Иисуса Христа, Емуже подобает всякая слава, честь и держава со Отцем и Святым Духом, ныне и присно и во веки веков. Аминь.

Молитвы при болезнях головы и головной боли

Пророку, Предтече и Крестителю Господню Иоанну

Святому Иоанну Крестителю молятся об избавлении от головной боли и исцелении болезней головы.

Святой Иоанн Предтеча – самый почитаемый христианский святой, после самой Пречистой Девы Марии.

Сын священника Захарии, по материнской линии святой Иоанн был родственником Христа, и еще во чреве своей матери Елизаветы приветствовал рождение Спасителя.

До тридцати лет пребывал святой в пустыне, питаясь диким медом и саранчой, пока не был призван Всевышним проповедовать еврейскому народу скорое пришествие Мессии и совершить святое крещение над пришедшим к нему на берег Иордана Иисусом.

Иоанн жестко обличал тетрарха Галилеи Ирода Антипу, который отнял у своего брата Ирода Филиппа жену Иродиаду и женился на ней, грубо нарушив ветхозаветный закон. За это Иоанн был заключен тетрархом в тюрьму. Казнить святого Ирод Антипа не решался, зная, как известен Иоанн своими добрыми делами, как глубоко почитаем он народом.

В свой день рождения Ирод устроил богатый пир, на который были приглашены все богатые и знатные люди города. В качестве особого угощения для себя и своих гостей Ирод просил станцевать дочь Иродиады, красавицу Саломею, обещав выполнить любое ее пожелание. Саломея обратилась к матери за советом, чего ей следует испросить у Ирода. Иродиада, ненавидевшая Иоанна, приказала дочери просить у Ирода смерти святого.

В темницу к Иоанну был отправлен оруженосец, который отсек святому голову и принес ее на блюде Саломее, а та отдала страшную ношу матери. Жена Ирода пожелала избавиться от главы святого и закопала голову в нечистом месте. Но Иоанна, жена царского домоправителя Хузы, тайно взяла святую главу, положила в сосуд и захоронила ее на Елеонской горе. Тело Иоанна было погребено его учениками.

Божий гнев обрушился на Ирода и его семью: прекрасная Саломея утонула в реке, военные поражения преследовали тетрарха, и он, и его жена Иродиада умерли в бедности и забвении.

Тропарь, глас 2-й

Память праведного с похвалами, тебе же довлеет свидетельство Господне, Предтече: показал бо ся еси воистинну и пророков честнейший, яко и в струях крестити сподобился еси Проповеданнаго. Темже за истину пострадав радуяся, благовестил еси и сущим во аде Бога явльшагося плотию, вземлющаго грех мира и подающаго нам велию милость

Тропарь, глас 4-й

Пророче и Предтече пришествия Христова, достойно восхвалити тя недоумеем мы, любовию чтущии тя: неплодство бо рождшия и отчее безгласие разрешися славным и честным твоим рождеством, и воплощение Сына Божия мирови проповедуется.

Кондак, глас 5-й

Предтечево славное усекновение, смотрение бысть некое Божественное, да и сущим во аде Спасово проповесть пришествие; да рыдает убо Иродиа, беззаконное убийство испросивши: не закон бо Божий, ни живый век возлюби, но притворный, привременный.

Молитва первая

Крестителю Христов, проповедниче покаяния, кающагося не презри мене, молися ко Владыце за мене, недостойнаго, унылаго, немощнаго и печальнаго, во многая беды впадшаго, утружденнаго бурными помыслы ума моего: аз бо есмь вертеп злых дел, отнюд не имеяй конца греховному обычаю, пригвожден бо есть ум мой земным вещем: что сотворю, не вем. И к кому прибегну, да спасена будет душа моя? Токмо к тебе, святый Иоанне, благодати тезоимените, яко тя пред Господем по Богородице вем больша быти рожденных всех, ибо ты сподобился еси коснутися верху Царя Христа, вземлющаго грехи мира, Агнца Божия. Егоже моли за грешную мою душу, да поне отныне, в первыйнадесять час, понесу тяготу благую и прииму мзду с последними. Ей, Крестителю Христов, честный Предтече, крайний Пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю: не отрини мене от твоего заступления, но возстави мя падшагося многими грехи; обнови душу мою покаянием, яко вторым крещением, понеже обоего начальник еси: крещением омываяй прародительный грех, покаянием же очищаяй коегождо дело скверно; очисти мя грехами оскверненнаго и понуди внити, аможе ничтоже скверно входит, во Царствие Небесное. Аминь.

Молитва вторая

Предтече и крестителю Христов Иоанне, проповедниче покаяния! Ты неповинне всажден был еси в темницу: аз же, вверженный в злоключение сие, достойное по делом моим приемлю, яко преступник правды и закона. Всели в мое сердце чувство покаяния о гресех моих! Несть бо ни единыя злобы ни беззакония, ихже аз, окаянный, не содеях; престрашни греси мои. Ей, Крестителю Христов! Простри ми, рабу твоему, руку, крестившую Христа Спасителя моего, да мя извлечеши из глубины погибели. Ты еси больший всех в рожденных женами, ты еси первый по Богородице, праведник между человеки. Сего ради прибегаю к тебе аз, имеяй потребу в велицем ходатае, яко велик есмь грешник. Убо и да осенит мене, недостойнаго, благодать твоя, Предтече Господень. Аминь..

Молитва третья

Святый Предтече и Крестителю Христов Иоанне! Проповедник сый покаяния, кающихся не презри нас, но молися ко Владыце Христу за нас, недостойных рабов, унылых, немощных, во многия грехи впадших. Смерти убо чаем, о гресех же наших николиже поболехом и о Царствии Небеснем не попекохомся: но не презри нас, Крестителю Христов, честный Предтече, болий рожденных всех, постником и пустынником наставниче, чистоты учителю и ближний друже Христов. Тя молим, к тебе прибегаем: не отрини нас, просящих твоего заступления, обнови души наша покаянием, еже есть второе крещение: твоим ходатайством пред Господем испроси нам очищение грехов. Уста недостойная вопиют к тебе, и душа смиренная молится, сердце сокрушенное из глубины воздыхает: простри пречистую твою десницу и защити нас от враг видимых и невидимых. Ей, Господи Иисусе Христе! Молитвами святаго Иоанна Крестителя Твоего, изряднее же Пречистыя Твоея Матери, Владычицы нашея Богородицы, спаси нас, грешных рабов Твоих, кающихся о гресех. Ты бо еси Бог кающихся, и на Тя, Спасителя, возлагаем надежду, славяще Пресвятое Имя Твое, со Безначальным Твоим Отцем и со Пресвятым и Благим и Животворящим Твоим Духом, ныне и присно и во веки веков.