Новое чудо видим и боголепное: егда ты, отче, шествовал избавити неповинно осужденнаго на смерть, бурный поток прегради путь тебе; ты же именем всемогущаго Бога повелел ему стати и прешел еси со спутники чрез реку, яко по суху. Слава о сем чудеси распространися всюду, и вси прославиша Бога, вопиюще к тебе: Радуйся, яко иногда Иисус Навин чрез Иордан реку по суху прешедый; радуйся, речная устремления гласом своим укротивый. Радуйся, яко трудный путь предпринял еси, движимый милосердием; радуйся, яко клевету разрушил еси и неповиннаго от уз темницы и напрасныя смерти избавил еси. Радуйся, жизни по Бозе благий поспешниче; радуйся, неповинно угнетенных защитителю. Радуйся, уставов естества воднаго пременителю; радуйся, яко судию вразумил еси и от убийства спасл еси. Радуйся, истинное исправление душ; радуйся, дивное сило, потоки удержавающая. Радуйся, услаждающий сердца человеков, к тебе притекающих; радуйся, человеколюбию Авраама подражателю. Радуйся, Спиридоне, предивный чудотворче.
Кондак 8
Странник и пришлец был еси на земли, якоже и прочии человецы. Обаче из чрева матере Всеведущий великаго угодника и чудотворца показа тя, святителю Спиридоне: бесы бо изгоняеши, всякую болезнь и язву исцеляеши, помышления людей зриши, темже и дивен во святых показался еси. Мы же, возсылающе молитву ко Благодателю всех Богу, вопием Ему: Аллилуия.
Икос 8
Весь мир ужасом многим содрогнуся, егда услыша, яко смерть, по гласу твоему, возвращает из гробов мертвецы своя, и возопи: Радуйся, умершую дщерь свою, да явит врученное ей сокровище, к жизни воззвавый; радуйся, скорбную вдовицу, на сохранение злато вдавшую, утешивый. Радуйся, умершее отроча из мертвых воскресивый; радуйся, яко матерь его, внезапно от радости умершую, ожививый. Радуйся, яко уподобился еси Илии, молитвами сыну Сарептския жены жизнь вовратившему; радуйся, яко и Елисею, возбудившему от смерти отроча, подражал еси. Радуйся, пастырю, преискренне любящий человеки; радуйся, жене блуднице, слезами нозе твои омывшей, грехи именем Бога отпустивый. Радуйся, святую ревность верховнаго апостола стяжавый; радуйся, яко нераскаянная грешница, по глаголу твоему, в тяжких болезнех умре. Радуйся, земли плодоносие молитвами твоими испросивый; радуйся, непреложное воскресения человеков уверение. Радуйся, Спиридоне, предивный чудотворче.
Кондак 9
Духа Божественнаго осияньми озарен был еси, святителю Спиридоне, имел бо еси духа премудрости, яко мудрыми словесы безумных обуил еси и посреде отцев веру утвердил еси; духа разума, яко умы омраченыя озарил еси; духа страха Божия, яко выну делании богоугодными душу очистил еси. Темже, представ Престолу Вышняго, с сонмом Ангелов воспеваеши Ему: Аллилуия.
Икос 9
Жезл пастыря словесных овец от Пастыреначальника Господа Иисуса приемый, святый Спиридон не премени жития своего: нестяжателен, кроток, любве ради вся терпяй, не постыдеся пещися и о стаде безсловесных овец. Вся сия возбуждают нас славити Бога и взывати тебе: Радуйся, славу мира сего яко суетную презревый; радуйся, мзду многу на Небесех стяжавый. Радуйся, красная мира сего в уметы вменивый; радуйся, сосуде Небесных благ. Радуйся, святейшая пажите киприотов; радуйся, яко тебе ради Бог хищников овец твоих невидимыми узами связа. Радуйся, татем отеческое вразумление преподавый; радуйся, по милосердию твоему за проведенную без сна нощь овна им даровавый. Радуйся, непослушанием козлища, яко бы разум имущаго, купца, утаившаго цену его, обличивый; радуйся, утаившаго сребренники твоя к покаянию приведый. Радуйся, яко от страсти корыстолюбия увещанием своим исцелил еси его. Радуйся, Спиридоне, предивный чудотворче.
Кондак 10
Спасаяй души паствы, Богом тебе вверенныя, ты, святителю Спиридоне, произволением Божиим, зван был еси явити славу твою, паче же славу истиннаго Бога, и в иныя страны, да всюду славят имя Божие, вопиюще: Аллилуия.
Икос 10
Скорый помощник и заступник во всяких нуждах и скорбех, святый Спиридон, по повелению цареву, якоже и прочии пастыри, прииде во град Антиохию, идеже бе одержимый болезнию царь Константий; святитель главы его коснуся и сотвори здрава. Сему чудеси дивящеся, вопием ти: Радуйся, егоже в сонном видении Ангел, яко целителя, яви царю; радуйся, Божественныя ради любве трудный путь в старости восприявый. Радуйся, цареву рабу, ударившему тя в ланиту, по заповеди Спасителя, другую подставивый; радуйся, столпе смирения. Радуйся, молитвами своими слезно просящему царю здравие даровавый; радуйся, яко уничижением своим раба вразумил еси и немилостивый нрав его пременил еси. Радуйся, яко благочестию и милосердию царя научил еси; радуйся, яко, ненавидяй земная сокровища, злато царя отвергл еси. Радуйся, яко ученика своего Трифиллия от пристрастия к земным благам отвратил еси и сосудом благодати Божия соделал еси; радуйся, яко пришедшу тебе в Александрию идоли падоша. Радуйся, емуже и беси повинуются; радуйся, яко от идолослужения многих отвратил еси. Радуйся, Спиридоне, предивный чудотворче.
Кондак 11
Пение ангельское бысть, егда во храме приносил еси, святителю Спиридоне, вечерния молитвы Твоя, и не беша сослужащие тебе. Жителие же града, дивное пение слышавше, внидоша в храм и, никогоже видевше, с горними силами воспеваху: Аллилуия.
Икос 11
Светозарное солнце мирови, собеседник Ангелов был еси на земли, святителю Спиридоне; предав же дух твой в руце Божии, преселился еси в горняя селения, моляся за мир пред Престолом Владыки. Мы же, живущии на земли, вопием ти: Радуйся, яко тебе, еще живу сущу, сослужаху Ангели; радуйся, псалмопение Архангелов слышавый. Радуйся, видимый образе нашего преображения; радуйся, яко недоставшу елею в храме Бог тебе ради с избытком лампады наполни тем. Радуйся, лампадо Божественнаго сияния; радуйся, сосуде благодати Божией, обильно, подобно елею, наполняющей душу твою. Радуйся, неизсякаемый источниче, присно источающий всем токи благодати; радуйся, о немже изумляются Ангели. Радуйся, преслушание диакона в храме наказавый; радуйся, тщеславившагося своим гласом, и гласа, и языка лишивый. Радуйся, яко, во время зноя, внезапу роса, снизшедшая свыше, священную твою главу прохлади; радуйся, в знамении сем близость преставления своего провидевый. Радуйся, Спиридоне, предивный чудотворче.
Кондак 12
Покров и прибежище бывый всем к тебе притекающим верным еще в житии твоем, ты, святителю, не оставил еси нас сирых и по твоем успении; Бог, побеждающий естества чин, сохрани святые мощи твоя нетленными во укрепление православныя веры и благочестия, в знамение безсмертия, Егоже прославляюще, вопием: Аллилуия.
Икос 12
Воспеваем тя, святителю Божий, яко удивил еси мир чудесы, истекающими от святых мощей твоих. Вси бо с верою приходящии и лобызающии их получают вся благопотребная просимая. И мы, давшаго тебе крепость, венчавшаго тя венцем нетления и действующаго тобою Бога прославляюще, вопием ти: Радуйся, во время глада корабельником явивыйся, и пищу доставити повелевый; радуйся, слепым, с верою притекшим к святым мощем твоим, зрение даровавый. Радуйся, от неисцельныя болезни отрока исцеливый; радуйся, беса из жены изгнавый и здраву ю сотворивый. Радуйся, возбранный воеводо Керкиры; радуйся, яко полчища злочестивых агарян изгнал еси и корабли их в пучине потопил еси. Радуйся, егоже видеша окруженнаго сонмом Ангелов, в деснице меч державша и в трепет врагов приведша; радуйся, создати себе храм, во еже совершати в нем литургию на пресном хлебе, воеводе возбранивый. Радуйся, воеводу латинскаго лютою смертию поразивый; радуйся, молниею изображение его в доме в Венеции сожегший. Радуйся, отступльства и лжемудрования Запада посрамивый; радуйся, единую православную веру быти истинную и спасительную для человеков утвердивый. Радуйся, Спиридоне, предивный чудотворче.
Кондак 13
О пречудный святителю Христов, отче Спиридоне! Нынешнее наше моление прием, избави нас от всех бед и напастей, укрепи на враги страну нашу, даруй нам оставление прегрешений и изми от вечныя смерти всех вопиющих о тебе к Богу: Аллилуия.
Этот кондак читается трижды, затем икос 1 и кондак 1.
Молитвы святителю Спиридону Тримифунтскому
Молитва первая
О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, ты единство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы невидимо в церкви поющия и сослужащия тебе имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим в скудости и недостаточестве живущим ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя и блаженства вечнаго в будущем веце сподобит нас, да выну возсылаем славу и благодарение Отцу и Сыну и Духу Святому, ныне и присно и во веки веков. Аминь.
Молитва вторая
О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящия сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей. Испроси нам у Христа Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления. Избави всех верою несумненною к Богу приходящих от всяких бед душевных и телесных, от всех томлений и диавольских наветов. Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем крепкия помощи твоея требующим вся, яже ко спасению, полезная. Яко да твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.
Молитва третья
О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабам Божиим ( имена ), у Христа Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у престола Вседержителя и умоли Господа, да подаст многих наших грехов прощение, безбедное и мирное житие, да дарует нам кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.
Тропарь, глас 4
Собора Перваго показался еси поборник и чудотворец, богоносе Спиридоне, отче наш. Темже мертву ты во гробе возгласив и змию в злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем исцеления.
Кондак, глас 2
Любовию Христовою уязвився, священнейший, ум вперив зарею Духа, деятельным видением твоим деяние обрел еси, Богоприятне, жертвенник Божественный быв, прося всем Божественнаго сияния.
Величание
Величаем тя, святителю отче Спиридоне, и чтим святую память твою, ты бо молиши за нас Христа Бога нашего.
Библиография
1. Антонов В. В., Кобак А. В. Святыни СанктПетербурга: Историко-церковная энциклопедия: В 3 тт. СПб.: Изд-во Чернышева, 1996.
2. Большая Российская энциклопедия. В 30 тт. Т. 15. М., 2010.
3. Бугаевский А. В. Святитель Спиридон, епископ Тримифунтский. Его жизнь, подвиги и чудотворения, изложенные по древним греческим рукописям. М.: Скиния, 2005.
4. Воспоминания на флоте Павла Свиньина. Ч. II. СПб., 1819.
5. Ганичев В. Святой воин Адмирал Ушаков. Жизнеописание, прославление, чудеса, документы, служба. М.: Синтагма, 2010.
6. Давыдова С. А. Остров Святого Православия. Русские паломники на Кипре. СПб.: Сатисъ, 2006.
7. Жития святых на русском языке, изложенные по руководству Четьих-миней святителя Димитрия Ростовского. Кн. 4. М.: Издание Московской синодальной типографии, 1906. Репринт: Изд. Введенской Оптиной Пустыни, 1993.
1. Записки флота капитан-лейтенанта Егора Метаксы (1798–1799). СПб., 1915.
2. Милютин Д. История войны России с Францией в царствование императора Павла I в 1799 г. Т. 1 СПб., 1852; Боевая летопись русского флота. М., 1948.
3. Нектария (Мак Лиз), монахиня. Евлогите! Благословите! Путеводитель по святым местам Греции. М.: Издательский Дом "Русский паломник", 2007.
4. Николаева О. Корфу. М.: Изд-во храма святой мученицы Татианы при МГУ, 2010
5. Овчинников В. Д. Святой адмирал Ушаков (1745–1817). Историческое повествование о земном пути святого праведного воина. М., 2003.
6. Отец Геннадий. Книга воспоминаний. М.: Храм в честь Вознесения Господня на Никитской улице (Малое Вознесение), 2006.
7. Прп. Варсонофий Оптинский. Духовное наследие. С.-Посад: Свято-Троицкая Сергиева Лавра, 1998.
8. Святитель Спиридон Тримифунтский. Житие. Чудеса. Канон. Акафист. М.: Даниловский благовестник, 2009.
9. Святитель Спиридон Тримифунтский, кипрский чудотворец, агиографические источники IV–X столетий. Публикация, перевод с древнегреческого, предисловие и комментарии А. Ю. Виноградова; научная редакция Д. А. Поспелова. М.: Пустынь Новая Фиваида Афонского Русского Пантелеимонова монастыря, 2009.
10. Святитель Спиридон Тримифунтский. Чудотворец. Житие и акафист. Минск: Православное братство во имя Архистратига Михаила, 1998.
11. Скаловский Р. К. Жизнь адмирала Федора Федоровича Ушакова; предисл. Чернявского С. В. – Перепеч. с изд. 1856 г. с испр. и доп. – СПб.: Русская симфония, 2006.
12. Архиеп. Никифор Феотокис. Благословенным христианам Греции и России. М.: Даниловский благовестник, 2006.
13. Сайт Чудеса Православия. – 2011 [Электронный ресурс] URL: http://chudesnoe.ru/ (дата обращения 15.07.2011).
14. Сайт о Спиридоне Тримифунтском. – 2011 [Электронный ресурс] URL: http:// spyridon-trimifuntsky.narod.ru/ (дата обращения 30.09.2011).
15. Сайт Сретенского монастыря. – 2011 [Электронный ресурс] URL: http://pravoslavie. ru/ (дата обращения 18.10.2011).
16. Официальный сайт Московской Патриархии. – 2011 [Электронный ресурс] URL: http:// patriarchia.ru/ (дата обращения 30.08.2011).
17. Сайт Отдела Внешних Церковных Связей РПЦ. – 2011 [Электронный ресурс] URL: http:// www.mospat.ru/ (дата обращения 30.08.2011).
18. Сайт Cofe.ru. – 2011 [Электронный ресурс] URL: http://cofe.ru/ (дата обращения 12.09.2011).
19. Сайт Православная Энциклопедия "Азбука веры". – 2011 [Электронный ресурс] URL: http://azbyka.ru/ (дата обращения 10.09.2011).
20. Саранские епархиальные ведомости, 1999, № 9.
21. Епископ Порфирий (Успенский). Книга бытия моего. Дневники и автобиографические записки 1841–1885. Т. 5. СПб.: Издание Императорской Академии Наук в иждивении Императорского Православного Палестинского Общества под ред. П. А. Сырку, 1894. – Репринт. М.: Индрик, 2010.
22. Архимандрит Иоанн (Крестьянкин). Проповеди. М.: Отчий дом, 2010.
Примечания
1
Никифор Феотокис (1731–1800), архиепископ, богослов и духовный писатель, один из образованнейших людей своего времени. Почти четверть века он трудился в России, последние 7 лет архиепископ Никифор был настоятелем Данилова монастыря в Москве, где и похоронен.
2
В русской рукописи – арианка; в житии святителя Димитрия Ростовского – язычница, не умевшая говорить по-гречески.
3
Все эти случаи взяты из жития святителя Спиридона.
4
Имеется в виду блокада турками Керкиры в 1715 г., когда остров был чудесно избавлен заступлением святителя Спиридона.
5
Симеону принадлежит переработка жизнеописания святого Спиридона по свидетельствам церковных историков IV–V веков – Сократа Схоластика, Созомена и Руфина.
6
Св. Митрофан – патриарх Константинопольский (315–325), св. Александр – его преемник, патриаршествовал с 325 по 340 годы.
7
Перипатетиками назывались последователи Аристотелевой философии. Эта философская школа появилась в конце IV в. до Р. Х. и просуществовала около 8 веков; это философское направление впоследствии имело последователей и среди христиан. Свое наименование перепатетики получили от того, что основатель этой школы Феофраст подарил школе сад с алтарем и крытыми ходами (Перипатон – колоннады, крытые галереи).
8
Трифиллий, впоследствии епископ Левкусии Кипрской, получил блестящее образование в Берите (Бейруте) и специально отправился на Кипр, чтобы стать учеником святителя Спиридона, причислен к лику святых, память 13 (26) июня.
9
Отец Геннадий Огрызков – священник храма Воскресения Словущего, затем настоятель храма Вознесения Господня (Малое Вознесение).
10
Иоаннис Каподистрия – греческий государственный деятель XIX в., выступавший сторонником дружеских отношений с Россией, что вызвало образование внутренней оппозиции, поддержанной Великобританией и Францией, пал жертвой заговора.
11
Этот памятник ценен в силу того, что он имел наибольшее распространение в Византии и значительно повлиял на славянскую агиографию, в том числе и на житие, составленное святителем Димитрием Ростовским.