Егда же я взят бысть палестинскими, и переселиша мя на горы Воробьевы с Лазарем и со старцем Епифанием, и бысть крепко там, и невозможно видеться. Она же умыслила чином, по-боярскому в коретах ездила, бытто смотрит пустыни Никоновы, и, назад поедучи, заехала на Воробьевы ко мне и, будучи против избы, где меня держат, из кореты кричит, едучи: "благослови, благослови!" А сама бытто смеется, а слезы текут. Потом же так и сяк, ввезли мя паки в Москву на подворье Никольское. Она же по много прихождаше ко вратом двора того и стерегущим воином моляшеся, насилу обрела такова сотника, яко пустил на двор ея. Она же, прибежав к окну моему, благодарит Христа, яко сподобил бог видетися, и денег мне на братью дала. Да паки, ко вратом приходя, плакивала. Да и только видания.
Потом меня в Пустоозерье свезли, и писанием возвещахуся. Она же после меня бродила по юзилищам, идеже мучатся мученики. Потом тайно и постриглась, видевше, яко зверь ища конца ея.
Егда же время приспе, женскую немощь отложше, мужескую мудрость восприемше, и на муки пошла, Христа ради мучитися. Зверь бо, яко лукавый лис, восхитил ю из дому и предал за приставство воинству, бесчестя и волоча на чепях, яко льва оковану. И сестру ея Евдокею и княги[н]ю так же, мучиша обеих на чепях без милосердия. К ним же последи присовокупиша и Марию Герасимовну, и бысть троица святая, непорочная.
По смотрению же божию скоро преставися Феодосьин сын единородный, Иван Глебович, и вся вотчины и домовная быша в разграблении. Она же вся, яко уметы, вменила ради сына божия. У Евдокеи же княгини преставися дочь во время ея мучения. И еще трое деточек осталося со отцем своим, с князь Петром Урусовым. Писала из своея темницы в темницу ко мне, зело о них печаловаше, еже бы во православии скончалися. Токмо воздыхает и охает: "ох, батюшко, ох, свет мой! Помолись о детушках моих, ничтоже мя так, якоже дети, крушат. Помолися, свет! Помолися, батюшко!" Да тож, да тож одно говорит – целой столбец, и другая целой же столбец, и третья тако же. Ковыряли руками своими последнее покаяние, и рукава прислали рабам своим от чепей с ошейников железом истертые, а с Марьины шеи полотенцо железное же. Аз же, яко дар освящен, восприях и облобызах, кадилом кадя, яко драго сокровище, покропляя слезами горькими.
Егда же оне быша в Москве, тогда и на соборище водили их. Говорит мне: "в сей рубахе была, батюшко, на соборе я, и по многом прении последним запечатала: "все-де вы еретики, власти, от перваго и до последняго! Разделите между собою глаголы моя!" Тако же и Евдокея и Мария, не яко жены, но яко мужие, обличиша безбожнаго июдеянина. И быша все три на пытке пытаны, и руки ломаны, Мария же и по хрепту биена бысть немилостиво. И приступи к ним, вопрошая, верной Ларион, Иванов сын: "еще ли веруете во Христа распятаго, и како персты слагаете, покажите ми!" Оне же единеми усты все трое исповедаху: "за отческое готовы умрети! Аще и умрем, не предадим благоверия! Отъята буди рука наша, да вечно ликовствует, такоже и нога, да по царствии веселится, аще же и глава, да венцы вечными увяземся, аще и все тело огню предашь, и мы хлеб сладок святей троицы испечемся". Та же свезоша их в Боровеск на мое отечество, на место мученное, иде же святии мучатся, и устроиша… [84]
…звезда утренняя, зело рано воссияющая! Увы, увы, чада моя прелюбезная! Увы, други моя сердечная! Кто подобен вам на сем свете, разве в будущем святии ангели! Увы, светы мои, кому уподоблю вас? Подобни есте магниту каменю, влекущу к естеству своему всяко железное. Тако же и вы своим страданием влекуще всяку душу железную в древнее православие. Иссуше трава, и цвет ея отпаде, глагол же господень пребывает во веки. Увы мне, увы мне, печаль и радость моя осажденная, три каменя в небо церковное и на поднебесной блещашеся! Аще телеса ваша и обесчещена, но душа ваша в лоне Авраама, и Исаака, и Иякова.
Увы мне, осиротевшему! Оставиша мя чада зверям на снедение! Молите милостиваго бога, да и меня не лишит части избранных своих! Увы, детоньки, скончавшияся в преисподних земли! Яко Давид вопию о Сауле царе: горы Гельвульския, пролиявшия кровь любимых моих, да не снидет на вас дождь, ниже излиется роса небесная, ниже воспоет на вас птица воздушная, яко пожерли телеса моих возлюбленных! Увы, светы мои, зерна пшеничная, зашедшия под землю, яко в весну прозябшия, на воскресение светло усрящу вас! Кто даст главе моей воду и источник слез, да плачю другов моих?
Увы, увы, чада моя! Никтоже смеет испросити у никониян безбожных телеса ваша блаженная, бездушна, мертва, уязвенна, поношеньми стреляема, паче же в рогожи оберчеяна!* Увы, увы, птенцы мои, вижю ваша уста безгласна! Целую вы, к себе приложивши, плачющи и облобызающи! Не терплю, чада, бездушных вас видети, очи ваши угаснувший в дольних земли, их же прежде зрях, яко красны добротою сияюща, ныне же очи ваши смежены, и устне недвижимы.
Оле, чюдо! о преславное! Ужаснися небо, и да подвижатся основания земли! Се убо три юницы непорочныя в мертвых вменяются, и в бесчестном худом гробе полагаются, им же весь мир не точен бысть. Соберитеся, рустии сынове, соберитеся девы и матери, рыдайте горце и плачите со мною вкупе другов моих соборным плачем и воскликнем ко господу: "милостив буди нам, господи! Приими от нас отшедших к тебе сих души раб своих, пожерших телеса их псами колитвенными! Милостив буди нам, господи! Упокой душа их в недрех Авраама, и Исаака, и Иякова! И учини духи их, иде же присещает свет лица твоего! Видя виждь, владыко, смерти их нужныя и напрасныя и безгодныя! Воздаждь врагом нашим по делом их и по лукавству начинания их! С пророком вопию: воздаждь воздаяние их им, разориши их, и не созиждеши их! Благословен буди, господи, во веки, аминь".
Приложение
Житие протопопа Аввакума (Прянишниковский список)
Собрано вкратце из жития святаго священно мученика Аввакума протопопа, пострадавшего за святую православную християнскую веру, принуждением отца его духовного, инока Епифания Соловецкого, да незабвению предано будет дело божие; и сего ради написася сие на славу Христу, сыну божию и богу истинному, и богородице и святым его.
Аминь.
Начало книги сея бытия. Всесвятая троице, боже и содетелю всего мира! поспеши и направи сердце мое начата с разумом и кончати делы благими, их же ныне хощу глаголати аз недостойный; разумея же свое невежество, припадая, молю ти ся и еже от тебе помощи прося: господи, управи ум мой и утверди сердце мое не о глаголании устен служати си, но о разуме глаголемых веселитися и приготовитися на творение добрых дел, яже учюся и глаголю, да добрыми делы просвещен, на судищи десныя ти страны причастник буду со всеми избранными твоими. И ныне, владыко, благослови, да воздохнув от сердца, и языком возглаголю пиша сице: Дионисия Ареопагита о божественных именех, что есть богу присносущные имены истинные, еже есть близостные, и что виновные, сиречь похвальные. Сия суть сущия: сый, свет, истинна, живот; только четыре свойственных, а виновных много; сия суть: господь, вседержитель, непостижим, неприступен, трисиянен, триипостасен, царь славы, непостоянен, огнь, дух, бог, и прочая потому разумевай.
Того же Дионисия о истинне: се бо отвержение истины испадение есть; истинна бо сущее есть; аще бо истинна сущее есть, истинны испадение сущаго отвержение есть; от сущаго же бог испасти не может, и еже не быти несть.
Мы же речем: потеряли новолюбцы существо божие испадением от истиннаго господа, святаго и животворящаго духа. По Дионисию: коли уже истинны испали, тут и сущаго отверглись. Бог же от существа своего испасти не может, и еже богу не быть, несть того в нем: присносу щен истинный бог наш. Лучше бы им в символе веры не глаголати господа, виновнаго имени, а нежели истиннаго отсекати, в нем же существо божие содержится. Мы же, правовернии, обоя имена исповедуем: и в духа святаго, господа, истиннаго и животворящаго, света нашего, веруем, со отцем и с сыном поклоняемаго, за него же стражем и умираем, помощию его владычнею. Тешит нас той же Дионисий, в книге ево сице пишет: сей убо есть истинный християнин, зане истинною разумев Христа, и тем благоразумие стяжав, иступив убо себе, не сый в мирском их нраве и прелести, себя же весь трезвящася и изменена всякаго прелестнаго неверия, не токмо даже до смерти бедствующе истинны ради, но и неведением скончевающеся всегда, разумом же живущи, и християне суть свидетельствуемы. Сей Дионисий научен вере Христове от Павла апостола, живый во Афинех, прежде, даже не прийти в веру Христову, хитрость имый ищитати беги небесныя; егда же верова Христови, вся сия вмених быти, яко уметы. К Тимофею пишет в книге своей, глаголя сице: "дитя, али не разумеешь, яко вся сия внешняя блядь ничтоже суть, но токмо прелесть и тля и пагуба? аз пройдох делом, и ничтоже обретох, токмо тщету". Чтый да разумеет.
Ищитати беги небесныя любят погибающия, понеже любви истинныя не прияша, воеже спастися им; и сего ради послет им бог действо льсти, воеже веровати им лжи, да суд приимут не веровавший истинне, но благоволиша о неправде. Чти Апостол, зачало 275.
Сей Дионисий, еще не прииде в веру Христову, со учеником своим во время распятия господня быв в солнечнем граде, и видев: солнце во тму преложися и луна в кровь, звезды в полудне на небеси явилися черным видом. Он же ко ученику своему глагола: "или кончина веку прииде, или бог слово плотию стражет"; понеже не по обычаю тварь виде изменену: и сего ради в недоумении бысть. Той же Дионисий пишет о солнечнем знамении, когда затмится: есть на небеси пять звезд заблудных, еже именуются луны. Сии луны бог положил не в пределех, яко же и прочий звезды, но обтекают по всему небу, знамение творя или во гнев, или в милость по обычаю текуще. Егда заблудная звезда еже есть луна, подтечет от запада под солнце и закроет свет солнечный, и то затмение за гнев божий к людям бывает. Егда же от востока луна подтекает, и то по обычаю шествие творяше закрывает солнце.
А в нашей Русии бысть знамение, солнце затмилось в 162-м году наканоне мора за месяц или меньши. Плыл Волгою рекою архиепископ Симеон Сибирской, и в полудне тьма бысть, перед Петровым днем недели за две; часа с три у берега плачючи стояли; солнце померче, от запада луна подтекала. По Дионисию являя бог гнев свой к людем: в то время Никон отступник веру казил и законы церковныя, и сего ради бог излиял фиял гнева ярости своея на Русскую землю; зело мор велик был, неколи еще забыть, вси помним. Паки потом, минув годов с четырнатцать, вдругорядь солнцу затмение было; в Петров пост, в пяток, в час шестый солнце померче, луна от запада же подтекала, гнев божий являя: протопопа Аввакума, беднова горемыку, в то время с протчими остригли в соборной церкви власти и на Угреше в темницу, проклинав, бросили. Верный же разумеет, что делается в земли нашей за нестроение церковное. Говорить о том полно; в день века познано будет всеми; потерпим до тех мест.
Той же Дионисий пишет о знамении солнца, како бысть при Исусе Наввине во Израили. Егда Исус, секий иноплеменники и бысть солнце противу Гаваона, еже есть на полднях, ста Исус крестообразно, сиречь распростре руце свои, и ста солнечное течение дондеже враги погуби. Возвратилося солнце к востоку, сиречь назад отбежало, и паки потече, и бысть во дни том и в нощи тритцать четыре часа, понеже в десятый час назад отбежало, так в сутках десять часов прибыло. И при Езекии царе и бысть знамение: оттече солнце вспять во вторыйнадесять час дня, и бысть во дни и в нощи тритцать шесть часов. Чти книгу Дионисиеву, там пространно уразумеешь. [85]
Он же Дионисий пишет о небесных силах, росписует возвещая, како хвалу приносят богу, разделялся девять чинов на три троицы: престоли, херувими и серафими, освящение от бога приемля, сице восклицают: благословена слава от места господня! И чрез их преходит освящение на вторую троицу, еже есть господства, начала, власти; сия троица, славословя бога, восклицают: аллилуйя, аллилуйя, аллилуйя! По алфавиту, аль отцу, иль сыну, уйя святому духу. Григорий Низский толкует: аллилуйя – хвала богу; а Василий Великий пишет: аллилуйя – ангельская речь, человечески рещи – слава тебе, боже! До Василия пояху в церкви ангельския речи: аллилуйя, аллилуйя, аллилуйя! Егда же Василий бысть, и повеле петь две ангельския речи, а третию, человеческую, сице: аллилуйя, аллилуйя, слава тебе, боже! У святых согласно, у Дионисия и у Василия; трижды воспевающе, со ангелы славим бога, а не четырежды, по римской бляди; мерско богу четверичное воспевание сицевое: аллилуйя, аллилуйя, аллилуйя, слава тебе, боже! Буди проклят сице поюще.
Паки на первое возвратимся. Третия троица – силы, архангелы, ангели, чрез среднюю троицу освящение приемля, поют: свят, свят, свят господь Саваоф, исполнь небо и земля славы его! Зри: тричисленно и то воспевание. Пространно пречистая богородица протолковала о аллилуйи, явилась Василию, ученику Евфросина Псковскаго. Велика во аллилуйи хвала богу, а от зломудрствующих досада велика, – по-римски троицу святую четверицу глаголют, духу и от сына исхождение являют; зло и проклято се мудрование богом и святыми. Правоверных же избави боже сего начинания злаго, о Христе Исусе, господе нашем. Ему же слава ныне и присно и во веки веком. Аминь.
Афанасий Великий рече: иже хощет спастися, прежде всех подобает ему держати кафолическая вера, ея же аще кто целы и непорочны не соблюдает, кроме всякаго недоумения, во веки погибнет. Вера же кафолическая сия есть, да единаго бога в троице и троицу во единице почитаем, ниже сливающе составы, ниже разделяюще существо; ин бо есть состав отеч, ин – сыновень, ин – святаго духа; но отчее и сыновнее, и святаго духа едино божество, равна слава, соприсносущно величество; яков отец, таков сын, таков и дух святый; вечен отец, вечен сын, вечен и дух святый; не создан отец, не создан сын, не создан и дух святый; бог отец, бог сын, бог и дух святый не три несозданнии, но един несозданный, не три бози, но един бог. Подобие: вседержитель отец, вседержитель сын, вседержитель и дух святый. Равне: непостижим отец, непостижим сын, непостижим и дух святый. Не три вседержители, но един вседержитель; един непостижим. И в сей святей троице ничтоже первое или последнее, ничтоже более или менее, но целы три составы и соприсносущны суть себе и равны. Особно бо есть отцу нерождение, сыну же рождение, а духу святому исхождение: обще же им божество и царство.
Нужно бо есть побеседовати и о вочеловечении бога слова к вашему спасению. За благость щедрот излия себе от отеческих недр сын – слово божие в деву чисту бого-отроковицу, егда время наставало, и воплотився от духа свята и Марии девы вочеловечився, нас ради пострадал, и воскресе, в третий день, и на небо вознесеся и седе одесную величествия на высоких, и хощет паки приитти судити и воздати комуждо по делом его. Его же царствию несть конца. И сие смотрение в бозе бысть прежде, даже не создатися Адаму, прежде, даже не вообразитися. Рече отец сынови: сотворим человека по образу нашему и по подобию. И отвеща другий: сотворим, отче, и преступит бо. И паки рече: о, единородный мой! о, свете мой! о, сыне и слове! о, сияние славы моея! аще промышляеши созданием своим, подобает ти облещися в тлимаго человека, подобает ти по земли ходити, апостолы восприяти, пострадати и вся совершити. Отвеща другий: буди, отче, воля твоя! И посем создася Адам, и прочая. Аще хощеши пространно разумети, чти Маргарит: Слово о вочеловечении; тамо обрящеши. Аз кратко помянул, смотрение показу я. Сице всяк веруяй в онь не постыдится, а не веруя осужден будет и во веки погибнет, по вышереченному Афонасию. Сице аз, протопоп Аввакум, верую, сице исповедую, с сим живу и умираю.
Рождение же мое в нижегородских пределах, за Кудьмою рекою, в селе Григорове. Отец мой бысть священник именем Петр, мати же моя Мария. Отец мой жизнь жил слабую, прилежаше пития хмельнаго, мати же моя постница и молитвенница бысть, соблюдала среду и пяток, и понедельник и зело была верна к богу, во иноцех инока Марфа, и всегда учаше мя страху божию. Аз же, некогда видев у соседа скотину умершу, и той нощи восставше пред образом, плакався довольно о душе своей, поминая смерть, яко и мне умереть: и с тех мест обыкох по вся нощи молитися. От отца остался мал. Мати же изволила меня женить семнатцати лет, жену мне привела четырнатцати лет*. Прежде женитвы в нощь воставах и молих бога, дабы дал мне жену помощницу ко спасению. Она же, пришед за меня, сказала мне: тако же творила. И оттоле помалу начахом простиратися, в нощи воставати на молитву оба нас в тайне, о гресех своих бога молити. Два года был дияконом. Егда же стал в попы, преселился во иное село – Лопатища. И воспомянух день смертный, престал от виннаго пития и начах книги почитати и люди учити к пути спасения. Сам же простирался паче на молитву днем и нощию. Слышавше же окрестныя люди мною проповедуемо слово божие, мнози приходяще послушати. Духовных детей учинилося сот до седьми и больши.
И некая девица прииде ко мне исповедати своя согрешения, исполненна блудных дел. Аз же, слышавше от нея, сатаниным наветом разгоревся блудным помыслом, падох на налой руками и мыслих, что сотворю, како бы избыти огня в себе паляща: и слепил три свещи, зажег, и положих руки своя на огнь и сожже; и оттоле угасло во мне блудное распаление. В нощи же той из церкви прииде в дом свой, зело скорбен. Время же яко к полунощи, и плакався пред образом господним, яко и очи опухли, и моляся прилежно, да же отлучит мя бог от детей духовных: понеже бремя тяжко, не могу носити. И утрудихся от поклонов, падох на землю на лицы своем, рыдаше горце, и забыхся. И видех корабль, пловущ Волгою рекою, зело украшен разными пестротами – красно, бело, и сине, и черно, и пепелесо, – его же ум человеч не вместит красоты его и доброты. И един юноша на нем красен, светел, и велелепен, на корме сидя правит, бежит ко мне из-за Волги, яко пожрети мя хощет. Аз же вопросих: "кому корабль сей устроен?" Он же отвещал: "твой корабль, тебе плавати на нем, с женою и детьми, коли докучаешь!" И я вострепетах и оттоле очютихся. Паки начах кланятися и глаголах: "чему я, окаянный, годен, таковый красный корабль мне устроен". И седши рассужаю: что се видимое? и что будет плавание? не вем!
И се по мале времени, и по писанному, объяша мя болезни смертныя, беды адовы обретоша мя: скорбь и болезнь обретох *. Отселе стану сказывать верхи своим бедам. А о всех недостанет ми лета повествовати*, колико случилося в 22 лета от буих человек* – да не постави им, господи, во грех. В том же селе начальной человек отнял у вдовицы дочь, вдовица же, плакавшися мне о том деле, стужаше. И я у него просил в честь, он же не отдал. И я у него отнял сильно за божиею помощию. Он же опосле напал на меня, и я лежал часа с три без памяти. Потом изгнал меня из двора и имение мое отнял. Аз же все вмених, яко уметы, да Христа приобрящу *. Не дал мне и хлеба на дорогу.